اسلام آباد: کرتار پور صاحب تک  جانے والے نگر کیرتن میں شامل ہونے کے  خواہشمند ہندوستانی سکھ مسافروں کے لئے  پاکستا ن کے سفارت خانے نے ویزا جاری کرنا شروع کر دیا ہے ۔ 28 اکتوبر سے کرتار پور صاحب تک جانے والا یہ نگر کیرتن دہلی سے شروع ہو کر 31 اکتوبر کو گوردوارہ ننکانہ صاحب میں پہنچے گا ۔پاکستان میں واگھہ بارڈر پر پہنچنے پر نگر کیرتن کا خیر مقدم پاکستان پنجاب کے  وزیر اعلیٰ  عثمان بزادر ، پنجاب کے گورنر چودھری محمد سرور ، مذہبی معاملات کے وفاقی وزیر پیر نورالحق قادری اور دیگر وفاقی اور ریاستی وزراء کا ایک وفدکرے گا ۔ دہلی سکھ گوردوارہ پر بندھک کمیٹی کے سابق صدر پرمجیت سنگھ سرنا نے اس کی تصدیق کی ۔اس کے ساتھ ہی  پاکستان نے نگر کیرتن کیلئے ویزا جاری کرنا شروع کردیا ہے۔اس نگر کیرتن کے لئے کچھ 1500 ویزا جاری کئے جائیں گے ۔

زیادہ تر ویزاکا عمل پورا کر لیا گیا ہے ۔ سرنا کے مطابق پاکستان حکومت اور پاکستان سکھ گوردوارہ پربندھک کمیٹی نے  انہیں  سال 2018 میں نگر کیرتن کی اجازت دے دی تھی ۔نگر کیرتن سے پہلے انکے دووفد پاکستان کا دورہ کریں گے ۔پہلا وفد 20 ستمبر کو اور  دوسرا وفد 2 اکتوبر کو پاکستان جائے گا ۔ان دونوں وفدوں کو ایک ہفتے کا ویزا دیا جائے گا ۔

مسافروں کو 31 اکتوبر سے  14 نومبر تک کا ویزا دیا جائے گا ۔سرنا نے  بتایا کہ  کچھ ہفتے قبل وہ پاکستان کے سفر پر گئے تھے ۔انہوںنے وہاں پنجاب کے گورنر ، پنجاب کے وزیر اعلیٰ ، مذہبی معاملات کے وفاقی وزیر، سین میاں میر فاؤنڈیشن کے دیگر وزراء اور کمیٹیوں ، حضرت داتا علی  ہجویری اور حضرت بابافرید کو نگر کیرتن کا استقبال کرنے کے لئے دعوت دی تھی ۔