امرتسر/لاہور (ککڑ) : پاکستان کی سوشل میڈیا اسٹار علینہ عامر نے اپنی پرائیویٹ ویڈیو سوشل میڈیا پر وائرل ہونے پر بہت ہی غصے کے ساتھ ردعمل دیتے ہوئے کہا کہ اسے 'اے آئی ' سے بنایا گیا ہے۔ علینہ نے اس موضوع پر پنجاب کی وزیراعلیٰ مریم نواز سے مطالبہ کیا کہ اس معاملے پر توجہ دیں اور ایسے ویڈیوز پھیلانے والے افراد کے خلاف سخت کارروائی کی جائے۔
اطلاعات کے مطابق بغیر یہ دیکھے کہ ویڈیو ڈیپ فیک ہے، لوگوں نے اس کو ٹرینڈ کر دیا، یہ لوگوں کی گھٹیا ذہنیت ہے۔ انہوں نے اپنے انسٹاگرام اکاؤنٹ پر کہا کہ میں اس معاملے پر ایک ہفتے سے خاموش تھی اور سب کچھ دیکھ رہی تھی، لیکن جب سینکڑوں کی تعداد میں علینہ عامر کے لیک ویڈیو والے پوسٹ دیکھے تو سوچا کہ میں اس کا جواب دوں، کیونکہ یہ جعلی ہے اور مجھے یہ سمجھ نہیں آتا کہ لوگ کسی لڑکی کو بدنام کرنے کے لیے کس حد تک گر سکتے ہیں، ویڈیو شیئر کرتے ہوئے لوگ یہ بھی نہیں جاننا چاہتے کہ وہ اصلی ہے یا نقلی۔
علینہ عامر نے کہا کہ پاکستانی پنجاب سائبر کرائم ڈیپارٹمنٹ خواتین کے خلاف اس طرح کے معاملات میں سخت ہے۔ اس معاملے میں میں بھی حکام سے اپیل کرتی ہوں کہ وہ میری جعلی ویڈیو بنا کر پھیلانے والے لوگوں کو سخت سزا دیں اور ایسے لوگوں کو سزا دینا ضروری ہے۔ 
علینہ کے سوشل میڈیا پر لاکھوں کی تعداد میں فالوورز ہیں اور وہ مسلسل اپنے ویڈیوز شیئر کرتی ہیں اور ان کے ویڈیوز صارفین پسند کرتے ہیں، لیکن اس بار وہ اپنی 5 منٹ 24 سیکنڈ کی نقلی ویڈیو لیک ہونے کی بات کو لے کر بحث میں ہیں اور علینہ لاہور کی رہائشی ہیں، صرف لاہور شہر کے ہی ہزاروں کی تعداد میں ان کے فالوورز ہیں۔