نیشنل ڈیسک :  جموں و کشمیر کے پہلگام میں منگل کے روز ہونے والے گھناؤنے دہشت گردانہ حملے  سے  جس میں 26 معصوم سیاحوں کی جانیں چلی گئیں، پوری قوم کو سوگ میں ہے ۔ بالی وڈ کے کئی ستاروں نے بھی اس بزدلانہ حرکت پر گہرے دکھ اور غصے کا اظہار کیا ہے۔ سوشل میڈیا پر پوسٹ کرتے ہوئے مشہور شخصیات نے اس حملے کی شدید مذمت کی ہے اور متاثرین کے اہل خانہ سے تعزیت کا اظہار کیا ہے۔
اداکار سونو سود نے پہلگام دہشت گردانہ حملے پر اپنی شدید ناراضگی کا اظہار کیا اور سوشل میڈیا پلیٹ فارم 'X' پر لکھا کہ کشمیر کے پہلگام میں معصوم سیاحوں پر بزدلانہ دہشت گردانہ حملے کی شدید مذمت کرتا ہوں۔ مہذب دنیا میں دہشت گردی کے لیے کوئی جگہ نہیں ہونی چاہیے اور یہ گھناؤنا فعل ناقابل قبول ہے۔  اپنے لواحقین کو کھونے والے  پریواروں کے تئیں میری گہری تعزیت اور زخمیوں کے جلد صحتیات  ہونے کی دعائیں۔  اوم سائی رام۔

اداکار تشار کپور نے بھی اسی طرح کے جذبات  کا اظہار کرتے ہوئے کہا، "پہلگام میں ہونے والے بزدلانہ دہشت گردانہ حملے کی شدید مذمت کرتے ہیں۔ ہندوستان  بزدلوں کو منہ توڑ جواب دے گا! جو لوگ ہندوستان  کے عروج سے ڈرتے ہیں  انہیں  ہمیشہ کی طرح منہ کی کھانی پڑے گی ! زخمیوں اور ہلاک ہونے والوں کے اہل خانہ کے لیے دعائیں! پہلگام۔"

 وہیں، وویک اوبرائے نے اس المناک واقعے پر گہرے رنج وغم کا اظہار کرتے ہوئے کہا کہ آج غم کا سایہ بھاری ہے کیونکہ کشمیر میں خوفناک دہشت گردانہ حملے کی خبر نے ہمارے دلوں کو توڑ دیا ہے۔ ان تمام خاندانوں کے ساتھ اپنی گہری تعزیت اور دعائیں بھیج رہا ہوں جنہوں نے المناک طور پر اپنے پیاروں کو کھو دیا ہے۔ اب پہلے سے کہیں زیادہ، دنیا کو اس طرح کی نفرت کے خلاف  اتحاد کے ساتھ آنا چاہیے۔

اس کے ساتھ ہی اداکارہ بھاگیہ شری پہلگام دہشت گردانہ حملے کی وجہ سے گہرے صدمے میں ہیں۔ اپنے غم و غصے کا اظہار کرتے ہوئے، انہوں نے لکھا کہ معصوم لوگ اپنی جانوں سے ہاتھ دھو بیٹھے ہیں! میں یہ دیکھ کر حیران ہوں کہ کشمیر میں شرپسندوں نے کیا کیا ہے۔ ہم ہندوستانی  وزیر اعظم سے مطالبہ کرتے ہیں کہ اس گھناؤنے فعل کو انجام دینے والوں کو انصاف کے کٹہرے میں لایا جائے۔

اداکار سنجے دت نے حملے کو ناقابل معافی قرار دیتے ہوئے 'X' پر لکھا کہ  انہوں نے ہمارے لوگوں کو بے دردی سے مارا، یہ معاف نہیں کیا جا سکتا، ان دہشت گردوں کو جان لینا چاہیے کہ ہم چپ نہیں بیٹھیں گے، ہمیں جوابی کارروائی کرنی ہوگی، میں اپنے وزیر اعظم نریندر مودی جی، وزیر داخلہ امت  شاہ جی اور وزیر دفاع راجناتھ سنگھ جی سے درخواست کرتا ہوں کہ انہیں وہ سزا دی جائے جس کے وہ حقدار ہیں۔

دگج اداکار انوپم کھیر اس خوفناک دہشت گردانہ حملے سے اتنے غمزدہ اور غصے میں تھے کہ ان کی آنکھوں سے آنسو بہہ نکلے۔ انہوں نے انسٹاگرام پر ایک جذباتی ویڈیو شیئر کی جس میں انہوں نے اس ظلم کی شدید مذمت کی اور آنسوؤں کے ذریعے اپنی بے بسی کا اظہار کیا۔ انہوں نے ہندی میں لکھا، "غلط...غلط...غلط!!! پہلگام ہتیا کانڈ ( قتل عام) !! الفاظ آج  نپنسک (نامرد )ہیں!!"

https://www.instagram.com/reel/DIwSbEbCwhs/?utm_source=ig_embed&utm_campaign=loading
بتادیں کہ لشکر طیبہ (ایل ای ٹی)سے تعلق رکھنے والے دہشت گردوں کے ایک گروپ نے جنوبی کشمیر کے پہلگام میں واقع وادی بیسرن میں سیاحوں کے ایک گروپ پر گھات لگا کر حملہ کیا تھا، جس میں 28 لوگوں کی جانیں چلی گئی تھیں اور کئی لوگ شدید زخمی ہوئے تھے۔ 'دی ریزسٹنس فرنٹ' نامی دہشت گرد تنظیم نے سوشل میڈیا پر پوسٹ کرکے حملے کی ذمہ داری قبول کی ہے اور زخمی سیاحوں میں سے ایک کی تصویر بھی جاری کی ہے۔ اس واقعے نے بالی وڈ کی پوری دنیا کو ہلا کر رکھ دیا ہے اور تمام فنکار اس وحشیانہ فعل کی شدید مذمت کر رہے ہیں۔