نیویارک: امریکہ کے شہر نیو جرسی میں بدھ کی شام ایک اسکائی ڈائیونگ طیارہ رن وے سے پھسل کر جنگل میں گر کر تباہ ہونے سے کم از کم 15 افراد زخمی ہوگئے۔ افسران نے یہ جانکاری دی ۔  اسکائی ڈائیونگ ہوائی جہاز ایک خاص قسم کا ہوائی جہاز ہے جو اسکائی ڈائیونگ سرگرمیوں کے لیے استعمال ہوتا ہے۔ فیڈرل ایوی ایشن ایڈمنسٹریشن (FAA) کے ترجمان کے مطابق ا فلاڈیلفیا سے تقریبا 33.8 کلومیٹر جنوب مشرق میں کراس کیز ایئرپورٹ پر سیسنا 208B طیارہ گر کر تباہ ہو گیا، جس میں چار بچوں سمیت 15 افراد سوار تھے۔ اس واقعہ کی تحقیقات کی جارہی ہیں۔

https://x.com/sarcasm_scoop/status/1940588375880397101
ہوائی اڈے سے لی گئی تصاویر میں تباہ ہونے والا طیارہ جنگل میں اور تباہ شدہ حالت میں دکھایا گیا ہے۔ فائر انجن اور دیگر ہنگامی گاڑیاں وہاں موجود ہیں۔ نیو جرسی کے  کیمڈن میں کوپر یونیورسٹی ہسپتال کی ترجمان وینڈی اے مارانو نے کہا کہ تین افراد ہسپتال کے ٹراما سینٹر میں زیر علاج ہیں جبکہ آٹھ افراد کو کم سنگین زخموں کی وجہ سے ایمرجنسی ڈیپارٹمنٹ میں زیر علاج رکھا جا رہا ہے۔ انہوں نے کہا کہ چار دیگر کو "بہت معمولی چوٹیں آئیں"۔