لندن : پاکستان مقبوضہ کشمیر کے انسانی حقوق کے کارن عارف آجاکیہ نے پاکستان پر طنز کستے ہوئے عمران حکومت کو خوب کھری کھوٹی سنائی ۔ انہوں نے کہا کہ پاکستان حکومت اور فوج کی فکر ہندوستان کے چندریان 2- اور کشمیر پر ہے ۔ ان کی فکر کا موضوع غلام کشمیر یا پاکستان کی قانونی صورتحال نہیں ہے ۔ پاکستان حکومت کو آئینہ دکھاتے ہوئے عارف نے کہا کہ پاکستان حکومت اپنے مسائل پر دھیان دینے کی بجائے پڑوسی ملک ہندوستان پر زیادہ دھیان دے رہی ہے ۔ 

انہوں نے اسرو کے چندریان 2 کی تعریف کرتے ہوئے کہا کہ خلائی سائنس کے شعبے میں ہندوستان نے جو سفر طے کیا ہے وہ ایک بڑی حصولیابی ہے ۔ اسرو کا چندریان 2 ہندوستان کا ایک شاندار مشن ہے ۔ انہوں نے سوالیہ لہجے میں کہا کہ ناسا نے اسرو کی سراہنا کی ہے ۔ ناسا نے کہا کہ خلائی سائنس کے شعبے میں یہ اسرو کی بہت بڑی کامیابی ہے ۔ انہوں نے مزید کہا کہ ناکام وہی ہوتے ہیں جو کوشش کرتے ہیں ۔ اس پر سوال کرتے ہوئے انہوں نے کہا کہ نسا کے اس تبصرے پر آخر پاکستان کے حکمران کیا کہیں گے ، آپ لوگ پاکستانی عوام کو بے وقوف بنا رہے ہیں ۔ آپ ریلیاں کررہے ہیں ۔ کیا سرکار کا یہی کام ہے ؟

انہوں نے کہا کہ فواد چودھری جی آپ سائنس اور ٹیکنالوجی وزیر ہیں ۔ آپ رکشا اور سائیکل سے باہر آئیں ۔ ملک کے مستقبل کے بارے میں سوچیں ۔ آپ جس دور میں ہیں وہ میٹرو کا دور ہے آپ رکشا میں سفر کررہے ہیں ۔ یہی آپ کی حقیقت ہے ۔ یہی پاکستان کی ترقی ہے ۔ عارف نے کہا کہ پاکستان حکومت اور جنرل آصف غفور پڑوسی ملک ہندوستان کو نصیحت دے رہے ہیں ، پاکستان حکومت کی نظر پاکستان پر کیوں نہیں جاتی ۔ آپ نے ملک کو مذاق بنا کر رکھ دیا ہے ۔ جہاں بھی ہم جاتے ہیں ہمارا مذاق اڑایا جاتا ہے ۔ آپ کو کشمیراور چندریان 2 کی فکر زیادہ ہے لیکن اپنے مسائل پر آپ کی نظر نہیں جارہی ہے ۔ پاکستان کی قانونی صورتحال ہو یا اس کی معیشت ہو آج کہاں ہیں ۔ آپ ، کبھی سوچا ہے آپنے ؟