سونی پت: سونی پت سے گزرنے والے کے ایم پی ایکسپریس وے پر کل نامعلوم وجوہات کی بنا پر ایک کنٹینر میں آگ لگ گئی۔ کنٹینر کو ہنڈائی کمپنی مانیسر کی کریٹا گاڑیوں سے لاد کر کنڈلی جانے کے لئے نکالا تھا، جب کہ کنٹینر میں لدی تمام گاڑیاں بھی جل کر راکھ ہوگئیں۔

فائر بریگیڈ کی گاڑیوں نے موقع پر پہنچ کر آگ پر قابو پایا۔ کنٹینر ڈرائیور نے بروقت چھلانگ لگا کر جان بچائی۔ یہ حادثہ کھرکوڈہ تھانہ علاقہ کے تحت پیش آیا۔ فی الحال سونی پت کھرکھوڈہ پولیس اسٹیشن حادثے کی تحقیقات کر رہی ہے۔