انٹرنیشنل ڈیسک: آسٹریلیا میں اب تک کی سب سے بڑی جنگی مشق' ٹیلس مین سیبر'شروع ہوگئی۔ اس فوجی مشق میں دنیا کے 19 ممالک کے 35 ہزار سے زائد فوجی حصہ لے رہے ہیں۔ اتنے بڑے پیمانے پر فوجیوں کو متحرک کرنے سے چین کی تشویش میں اضافہ ہوا ہے۔ دفاعی ماہرین اسے تیسری عالمی جنگ کی ممکنہ تیاریوں سے جوڑ رہے ہیں۔ اس مشق میں امریکہ، ہندوستان ، جاپان، برطانیہ، فرانس اور جرمنی سمیت کئی بڑے ممالک شامل ہیں۔ یہ مشق تین ہفتے تک جاری رہے گی اور پہلی بار یہ آسٹریلیا سے باہر پاپوا نیو گنی میں منعقد کی جائے گی۔
آسٹریلیا کے محکمہ دفاع نے کہا کہ اس دوران  چینی جاسوس بحری جہازوں کی ممکنہ نگرانی کے خدشات  ہیں۔ آسٹریلیائی وزیر دفاع نے کہا کہ پچھلی بار چینی نگرانی جہاز سمندری مشقوں پر نظر رکھتے تھے اور اس بار بھی چین ہر حرکت پر نظر رکھے گا ۔ ماہرین کا ماننا ہے کہ اتنی بڑی کثیر القومی فوجی مشق ہند پیسیفک خطے میں چین کو ایک مضبوط پیغام دیتی ہے۔ 
حالیہ برسوں میں چین نے بحیرہ جنوبی چین میں اپنی فوجی موجودگی میں اضافہ کیا ہے۔ ایسے میں امریکہ اور اس کے اتحادی کسی بھی ہنگامی صورتحال کے لیے تیار رہنا چاہتے ہیں۔ اس مشق میں جرمنی، انڈونیشیا، کینیڈا، نیوزی لینڈ، جنوبی کوریا، سنگاپور، تھائی لینڈ جیسے ممالک بھی شامل ہیں۔ ملائیشیا اور ویتنام اس کو قریب سے دیکھ رہے ہیں ۔ آسٹریلیا کا خیال ہے کہ یہ مشق ہند-بحرالکاہل خطے میں شراکت دار ممالک کے درمیان سٹریٹجک کوآرڈینیشن کو مزید مضبوط کرے گی۔