نئی دہلی : دہلی کے پرائیویٹ اور سرکاری سکولوں میں تقریباً 22 لاکھ طلباء کو خواتین کی عزت واحترام کرنے اور انکے وقار کو ٹھیس نہیں پہنچانے کا حلف دلایا۔ دہلی کے وزیر اعلیٰ اروند کیجریوال نے ٹویٹ کیا کہ آج 22 لاکھ طلباء کے ساتھ خواتین کے تحفظ کے لئے ایک مہم شروع کی گئی ہے۔
https://twitter.com/ArvindKejriwal/status/1209010194966958081
وزیر اعلیٰ نے ٹویٹ کیاکہ ' آج دہلی کے سبھی سکولوں کے 22 لاکھ بچوں کے ساتھ خواتین کا تحفظ مہم شروع کی۔ پولیس اور قانونی نظام تو ٹھیک کرناہی ہے ۔ سی سی ٹی وی کیمرے اور سٹریٹ لائٹ بھی لگوا رہے ہیں۔ پر سماج کی سوچ بھی بدلنی ہوگی۔ ہمیں ایسی دہلی بنانی ہے جہاں رات میں خواتین بغیر کسی خوف کے گھر سے بارہ نکل سکیں۔
https://twitter.com/ArvindKejriwal/status/1209011463932661760
کیجریوال نے لکھا کہ لڑکوں نے حلف لیا کہ وہ خواتین کی عزت کریں گے اور ان کے ساتھ کبھی بدسلوکی نہیں کریں گے۔سبھی لڑکیاں بھی اپنے گھر جاکر اپنے بھائیوں کو یہی حلف دلائیں گی اور کہیں گی کہ وہ اپنے بھائی سے بہت پیار کرتی ہیں، لیکن اگر وہ غلط کام کرے گا تو ہم ہمیشہ کیلئے بھائی سے رشتہ توڑ لیں گی۔