انٹرنیشنل ڈیسک: اسرائیل اور ایران کے درمیان کشیدگی میں اضافے کے پیش نظر امریکی صدر ڈونالڈ ٹرمپ یہاں جاری G-7 سربراہی اجلاس کو درمیان میں چھوڑ کر امریکہ روانہ ہوگئے۔ دنیا کو اسرائیل اور ایران کے درمیان بڑھتے ہوئے تنازعے کا اندازہ اس وقت ہوا  جب ٹرمپ نے پیر کے روز کہا کہ "سب کو تہران کو فوری طور پر خالی کردینا چاہیے۔دنیا بھر کے رہنما G-7 میں دنیا کے متعدد خطوں میں تناؤ کو کم کرنے میں مدد کے مخصوص مقصد کے ساتھ جمع ہوئے تھے، لیکن ایران کے جوہری پروگرام پر محاذ آرائی کی وجہ سے اس میں رکاوٹ پیدا ہوئی ہے۔
اسرائیل نے چار روز قبل ایران کے خلاف فضائی حملے کیے تھے۔ سربراہی اجلاس میں ٹرمپ نے وارننگ دی کہ اس سے پہلے کہ بہت دیر ہو جائے،  ایران کو اپنے جوہری پروگرام کو روکناچاہئے ۔   ٹرمپ نے کہا کہ ایرانی رہنماؤں کو "بات چیت کے لیے آمادہ ہونا چاہیے" لیکن ان کے پاس اپنے جوہری پروگرام پر کسی معاہدے تک پہنچنے کے لیے 60 دن کا وقت تھا لیکن وہ اسرائیلی فضائی حملے شروع ہونے سے پہلے ایسا کرنے میں ناکام رہے۔ امریکی صدر نے کہا کہ انہیں سمجھوتہ کرنا پڑے گا۔ جب ان سے پوچھا گیا کہ کیا امریکہ اس تنازع میں عسکری طور پر ملوث ہو گا تو ٹرمپ نے کہا کہ میں اس پر بات نہیں کرنا چاہتا۔ اب تک اسرائیل نے ایران کے جوہری پروگرام کی جگہوں کو نشانہ بنایا ہے لیکن وہ ایران کے فورڈو یورینیم افزودگی کے پلانٹ کو تباہ نہیں کر سکا ہے۔
یہ سائٹ  زیر زمین کافی گہرائی میں واقع ہے اور اسرائیل کو اسے تباہ کرنے کے لیے 30,000 پاؤنڈ (14,000-kg)  کے  GBU-57میسیو آرڈیننس پینیٹریٹر کی ضرورت ہوگی۔ اسرائیل کے پاس اس درجے کے بمبار طیارے نہیں ہیں۔ ٹرمپ نے پیر کی دو پہر سوشل میڈیا پر خبردار کیا کہ ہر کسی کو فوری طور پر تہران کو خالی کرنا چاہیے۔ اس کے فورا ًبعد ٹرمپ نے جی 7 اجلاس چھوڑنے کا فیصلہ کیا۔ پیر کی شام، جب ٹرمپ نے G-7 کے دیگر رہنماؤں کے ساتھ تصویر کھنچوائی، تو انہوں نے صرف اتنا کہا کہ میرے لیے واپس جانا بہت ضروری ہے۔میزبان ملک کینیڈا کے وزیر اعظم مارک کارنی نے کہا کہ میں صدر کی موجودگی کا بہت مشکور ہوں اور میں صورتحال کو سمجھتا ہوں۔