انٹرنیشنل ڈیسک: روس میں ہندوستان کے سفیر ونے کمار نے کہا ہے کہ ہندوستانی کمپنیاں وہاں  سے تیل خریدنا جاری رکھیں گی، جہاں بھی انہیں ' سب سے اچھی ڈیل 'ملے گی ۔ انہوں نے زور دے کر کہا کہ نئی دہلی اپنے "قومی مفادات" کے تحفظ کے لیے اقدامات کرتا رہے گا۔ اتوار کو روس کی سرکاری خبر رساں ایجنسی 'TASS' کو انٹرویو دیتے ہوئے کمار نے کہا کہ نئی دہلی کی ترجیح ملک کے 1.4 بلین لوگوں کی توانائی کی حفاظت کو یقینی بنانا ہے۔
ان کا یہ تبصرہ امریکہ کی طرف سے روس سے رعایتی نرخوں پر خام تیل کی خریداری پر ہندوستان کی تنقید کے درمیان آیا ہے۔ اس بات پر زور دیتے ہوئے کہ تجارت "تجارتی بنیادوں پر" ہوتی ہے، کمار نے کہا کہ ہندوستانی کمپنیاں جہاں سے بھی انہیں بہترین سودا ملے گا وہاں  خریداری جاری رکھیں گی۔ تو  موجودہ صورتحال یہی ہے۔
رپورٹ نے ان کے حوالے سے کہاگیا ...ہم نے واضح طور پر کہا ہے کہ ہمارا مقصد ہندوستان کے 1.4 بلین لوگوں کی توانائی کی حفاظت ہے اور بہت سے دوسرے ممالک کی طرح، روس کے ساتھ ہندوستان کے تعاون  سے تیل کی عالمی منڈی میں استحکام لانے میں مدد ملی ہے ۔ کمار نے کہا کہ ہندوستان اور روس کے درمیان تجارت باہمی مفادات اور مارکیٹ کے عوامل پر مبنی ہے۔ انہوں نے کہا کہ یہ'  ہندوستان کے 1.4 بلین لوگوں کی توانائی کی حفاظت کو یقینی بنانے کے مجموعی مقصد"کے ساتھ کیا جاتا ہے ۔