نیشنل ڈیسک: وزیر اعظم نریندر مودی نے اتوار کو ہندوستان اور جنوبی کوریا کے درمیان تعلقات کی تعریف کرتے ہوئے اسے باہمی احترام، مشترکہ اقدار اور بڑھتی ہوئی شراکت داری کا سفربتایا۔ دونوں ممالک کے درمیان سفارتی تعلقات کے 50 سال مکمل ہو گئے ہیں۔ مودی نے سوشل میڈیا پلیٹ فارم 'X' پر ایک پوسٹ میں کہا کہ آج ہم ہندوستان اور جمہوریہ کوریا کے درمیان سفارتی تعلقات کے قیام کے 50 سال مکمل ہونے کا جشن منا رہے ہیں۔ یہ باہمی احترام، مشترکہ اقدار اور بڑھتی ہوئی شراکت داری کا سفر رہا ہے۔

جنوبی کوریا کے صدر یون سک یول کو گرمجوشی سے مبارکباد پیش کرتے ہوئے وزیراعظم نے کہا کہ وہ دونوں ممالک کے درمیان خصوصی اسٹریٹجک پارٹنرشپ کو گہرا اور وسعت دینے کے لیے ان کے ساتھ مل کر کام کرنے کے منتظر ہیں۔