ممبئی: دلجیت دوسانجھ کی پنجابی فلم ' سردار جی 3'   بھلے ہی ہندوستان  میں ریلیز نہیں ہوئی ہو لیکن اسے پوری دنیا میں بے پناہ پسند کیا گیا۔ پاکستانی اداکارہ ہانیہ عامر کی یہ پہلی ہندوستانی فلم تھی۔ ایسے میں ہانیہ عامر نے اپنے مشہور دوستوں کے ساتھ 'سردار جی 3' کی زبردست کامیابی کا لطف اٹھایا۔

ہانیہ عامر نے 'سردار جی 3' کے لیے ایک کامیاب پارٹی کا انعقاد کیا جہاں ان کے لُک نے لائم لائٹ چرا لی۔ اداکارہ ہلکے نیلے آف شولڈر نیٹ ٹاپ اور ساٹن باڈی فٹ اسکرٹ میں شاندار لگ رہی تھیں۔ وہیں، ان کے نئے ہیئر اسٹائل نے سب کی توجہ اپنی جانب کھینچ لی۔

اس دوران اداکارہ سونیا حسین کو کیجوئل لُک میں نظر آئیں ۔ وہ بلیک ون شولڈر ٹاپ اور جینز پہنے کافی پیاری لگ رہی تھی۔  وہیں، مومل شیخ ون شولڈر ٹاپ کے ساتھ وائٹ پینٹ پہنے نظر آئیں ۔

کالے لباس میں عمار خان بھی خوب جچ رہی تھیں ۔

اس کے علاوہ  ملٹی کلر آف شولڈر ڈریس پہن کر اشنا شاہ بھی  غضب ڈھا رہی تھیں ۔ 

'سردار جی 3' رواں سال 27 جون کو سینما گھروں میں ریلیز ہونی تھی۔ پہلگام دہشت گردانہ حملے کی وجہ سے ہندوستان میں پاکستانی فنکاروں پر پابندی عائد ہے۔ اس لیے دلجیت دوسانجھ کی فلم ہندوستان میں ریلیز نہیں ہوئی۔ 35 کروڑ روپے کے بجٹ میں بنی 'سردار جی 3' نے دنیا بھر میں 60 کروڑ روپے سے زیادہ کی کمائی کی۔