لکھنؤ: بی ایس پی صدر مایاوتی نے شہریت ترمیمی قانون( سی اے اے )میں پاکستان کے استحصال کا شکار اقلیتوں کے ساتھ مسلمانوں کو بھی شہریت دینے کی پیروی کرتے ہوئے اس معاملے میں حکومت کے فیصلے پر پر سوالیہ نشان لگایا ہے۔ مایاوتی نے منگل کو ٹویٹ کر کہا کہ ' پاکستانی نژاد گلوکار عدنان سمیع کو جب بی جے پی حکومت شہریت اور پدم شری سے بھی نواز سکتی ہے تو پھر ظلم وزیادتی کے شکار پاکستانی مسلمانوں کو وہاں کے ہندو، سکھ، عیسائی وغیرہ کی طرح یہاں سی اے اے کے تحت پناہ کیوں نہیں دے سکتی ہے۔
انہوں نے سی اے اے پر حکومت سے نظر ثانی کرنے کی درخواست کرتے ہوئے کہا کہ اسی لئے مرکز سی اے اے پر نظر ثانی کرے تو بہتر ہو گا۔ قابل ذکر ہے کہ پارلیمنٹ کے گزشتہ سرمائی اجلاس میں منظور کئے گئے سی اے اے میں پاکستان، بنگلہ دیش اور افغانستان میں مذہبی تشدد کی وجہ ہندوستان آئے ہندو سمیت دیگر اقلیتی فرقوں کے پناہ گزینوں کو ہندوستانی شہریت دینے کا قانون ہے ۔اس قانون میں مسلمانوں کو شامل نہیں کئے جانے کی اپوزیشن پارٹی مخالفت کرتے ہوئے حکومت سے سی اے اے کو واپس لینے کی مانگ کر رہے ہیں ہے۔