ترن تارن : پاکستان سے بھیجے گئے بارودی مواد سے لدے ڈرون نے ترن تارن کے سرحدی ضلع کے گاوں ڈبلی پر صبح 4 بجے حملہ کیا۔ یہاں کے مکینوں نے اپنی آنکھوں سے ڈرون کو گاوں کے گرد چکر لگاتے دیکھا ہے۔
کچھ دیر بعد ڈرون کھیتوں میں گرا اور بہت زور دار دھماکے کی آواز سنی گئی۔ زمین میں تقریباً 3 فٹ گہرا اور 6 فٹ چوڑا سوراخ بنا۔ اس کے بعد گاوں والوں نے کہا کہ وہ پاکستان کی مذموم حرکتوں سے ڈرنے والے نہیں ہیں۔ گاوں والوں نے جمع ہو کر پولیس اور فوج کو اطلاع دی۔ فوج نے علاقے کو گھیرے میں لے کر مزید کارروائی شروع کر دی ہے۔