ممبئی :اداکارہ دیا مرزا اپنی آنے والی فلم' تھپڑ 'کیلئے کافی پرجوش نظر آرہی ہیں۔ فلم میں وہ تاپسی پنو کے ساتھ کام کررہی ہیں۔ اس کے علاوہ دیا مرزا ایک ویب سیریز میں بھی کام کرنے جارہی ہیں۔ اب جب دیا فلم بھی کررہی ہیں۔ ان کی ویب سیریز بھی آرہی ہو تو یہ کہنا غلط نہیں ہوگا کہ ان کا کیریئر بہترین چل رہا ہے۔دیا مرزا کا فلمی کیریئر تو ضرور بہتر ہے لیکن ان کی نجی زندگی میں جدوجہد کم نہیں ہے۔  گزشتہ سال دیا مرزا اپنے شوہر ساحل سانگا سے الگ ہوگئی تھیں۔ جب یہ خبر آئی تو ہر شخص حیران تھا کیونکہ دیامرزا اور ساحل سانگا پورے 11 سال تک ساتھ رہے تھے۔ اب الگ ہونے کے بعد دیا مرزا نے اپنے دل کی بات سبھی کے ساتھ شیئر کی ہیں۔

ممبئی مرر کو دئیے  ایک انٹرویو میں دیا مرزا نے کہا کہ انہیں یہ درد جھیلنے کی قوت اپنے والدین سے ملی ہے۔ وہ کہتی ہیں کہ میرا پروفیشن مجھے دکھنی رہنے کی اجازت نہیں دیتا۔ اب یہ درد جھیلنے کی طاقت بھی مجھے میرے والدین سے ہی ملی ہے جو 34 سال پہلے الگ ہوگئے تھے ،تو جب میں 4 سال کی عمر میں وہ درد جھیل سکتی ہوں تو 37 سال کی عمر میں نہ جھیل پاؤں۔ اس کی کوئی وجہ نہیں ہے۔
اب کسی سے الگ ہونے کا فیصلہ بڑا ضرور ہوتا ہے لیکن ضرورت پڑنے پر وہ لینا پڑتا ہے۔ دیا کے مطابق آج کل لوگ ایسے فیصلے لینے سے ڈرتے ہیں کیونکہ انہیں لگتا ہے چھوٹی سی بات ہے اور جلد ہی یہ وقت بھی گزر جائے گا۔

ویسے اگر آپ سوچ رہے ہیں اتنا بڑا واقعہ  ہونے کے بعد دیا مرزا کو اپنی زندگی سے کوئی شکایت ہے تو یہ غلط ہے۔ خود دیا کہتی ہیں کہ انہیں اپنے فیصلے پر کوئی پچھتاوا نہیں ہے۔ مجھے اب کوئی شکایت نہیں ہے۔ میں 14 سال کی عمر سے دھیان لگا رہی ہوں۔ میری ہر صبح خوبصورت باغیچوں میں گزرتی ہے۔ میرا گھر بھی ہریالی سے ہرا بھرا ہے۔ باہر کی دنیا میں تو کتنا غصہ ہے۔ میڈیا میں کتنا غصہ نظر آتا ہے۔

ورک فرنٹ کی بات کریں تو دیا مرزا انوبھو سنہا کے کی ڈائریکشن میں بنی تھپڑ فلم میں نظر آنے والی ہیں۔ فلم میں تاپسی پنو اہم کردار میں ہیں۔ اس کے علاوہ دیا ڈیجیٹل پلیٹ فارم پر بھی کافی ایکٹو ہیں۔ کافرا جیسی ویب سیریز میں کام کرنے کے بعد اب وہ ایک اور ویب سیریز میں کام کرنے جارہی ہیں۔