مشرقی دہلی کے موجودہ  رکن پارلیمنٹ  اور سابق کرکٹر گوتم گمبھیر نے کہا ہے کہ دہلی والوں  کوکرکٹ میچ کی میزبانی سے زیادہ آلودگی کی فکر کرنی چاہئے۔دیوالی کے بعد سے دہلی کی آلودگی کی سطح میں اضافہ ہوا ہے اور 3 نومبر کو ہونے والے بھارت-بنگلہ دیش  کے پہلے ٹی - 20 میچ  کے انعقاد کو لے کر سوال کھڑے ہونے لگے  ہیں۔ گمبھیر نے کہا کہ دہلی میں ہونے والا کرکٹ میچ یا کسی دوسرے کھیل سے زیادہ بڑا مسئلہ آلودگی کا ہے۔ہمارے لئے، دہلی میں رہنے والوں کے لئے آلودگی تشویش کا موضوع  ہونا چاہئے نا کوئی کرکٹ میچ۔

یہ صرف کھلاڑیوں کی ہے نہیں بلکہ تمام دہلی کے لئے بھی تشویش ہے۔کوئی میچ اس کے آگے بہت چھوٹا ہے۔ کرکٹر سے ممبر پارلیمنٹ بنے گمبھیر نے کہاکہ  یہ بہت چھوٹی چیز ہے۔آخر میں یہ پوری دہلی ہے جو سہہ  رہی ہے ۔بچوں سے لے کر بوڑھوں تک سب پر اس کا اثر ہو رہا ہے۔لہٰذا یہ ہماری ذمہ داری ہے۔مجھے پتہ چلا ہے کہ آلودگی کی سطح پہلے سے بہتر ہے۔اس کا کریڈٹ دہلی کے لوگوں کو جاتا ہے، لیکن اب ہمیں اور محنت کرنی ہے۔
انہوں نے مزید کہاکہ  ' اس لئے  میچ ہوتا ہے یا نہیں، مجھے اس بات کی فکر نہیں ہے۔میں امید کرتا ہوں کہ ہو، اور ہونا بھی چاہئے، لیکن آلودگی ایک ایسی چیز ہے جس کے اثرات  پوری دہلی پورے سال جھیلتی ہے۔یہ میچ سے کہیں بڑا مسئلہ ہے۔ بتا دیں کہ بنگلہ دیش  کی ٹیم  اپنے  آئندہ بھارت دورے کا آغاز دہلی کے ارون جیٹلی اسٹیڈیم میں ٹی -20 میچ کے ساتھ کرے گی۔