سپورٹس ڈیسک: کرکٹر سے رکن پارلیمنٹ بنے ٹیم انڈیا کے سابق اوپنر گوتم گمبھیر کو جان سے مارنے کی دھمکی ملی ہے۔ وہیں  انٹرنیشنل نمبر سے فون پر ملی اس دھمکی کے بعد گوتم گمبھیر نے پولیس کو شکایت دے کر ایف آئی آر درج کرنے کی مانگ کی اور دہلی پولیس کو خط لکھ کر پورے معاملے کی  جانکاری دی ہے۔

دراصل،بی جے پی رہنما گوتم گمبھیر نے ڈی سی پی  شاہدرہ ضلع کو لکھے گئے خط میں کہا، مجھے ایک انٹر نیشنل نمبر سے مجھے اور میرے خاندان کے لئے موت کی دھمکیاں مل رہی ہیں،میں آپ سے درخواست کرتا ہوں کہ آپ اس کے لئے ایف آئی آر درج کریں اور میرے خاندا کے تحفظ کو یقینی بنائیں۔

اگر گمبھیر کے کرکٹ کیریئر کی بات کریں تو انہوں نے بھارتی ٹیم کے لئے 58 ٹیسٹ میچ، 147 ون ڈے میچ اور 37 ٹی 20 انٹرنیشنل میچ کھیلے ہیں۔ 58 ٹیسٹ میں انہوں نے 41.95 کی اوسط سے 4154 رنز بنائے ہوئے ہیں 147 ون ڈے میچوں میں انہوں نے 39.68 کی اوسط سے 5238 رنز بنائے ہوئے ہیں 37 ٹی 20 میچوں میں انہوں نے 27.41 کی اوسط سے 932 رنز بنائے ہوئے ہیں۔