نئی دہلی: کانگرس جنرل سیکرٹری پرینکا گاندھی واڈرا نے شہریت ترمیمی  قانون کو لے کر ہفتہ کو نریندر مودی حکومت پر شدید حملہ کرتے ہوئے اپیل کی کہ آئین کو بچانے اور ملک کو تقسیم سے بچانے کے لئے تمام آواز اٹھائیں۔پرینکا نے کانگرس کی جانب سے یہاں منعقد بھارت بچاؤ ریلی میں کہا، یہ ملک محبت کا ملک ہے، عدم تشدد کا ملک ہے، نوجوانوں کے سپنوں کا ملک ہے۔یہ ایسا ملک ہے جس کے فوجی ملک کے لئے جان دینے کا جذبہ رکھتے ہیں۔

پرینکا گاندھی نے کہا، ہمیں اس ملک کو بچانا ہے کیونکہ اس پر ایک ایسی حکومت کا سایہ ہے جس میں مساوات نہیں ہے۔پرینکا نے کہا، پہلے پوری دنیا ہماری طرف دیکھ رہی تھی۔ترقی ہو رہا تھی ،آج بی جے پی کی حکومت میں روزگار بڑھنے کی بجائے کم ہو رہے ہیں،  مہنگائی بڑھ رہی ہے۔چھوٹے اور درمیانے درجے کے تاجر پریشان ہیں۔شہریت ترمیمی قانون کا حوالہ دیتے ہوئے کانگرس جنرل سیکرٹری نے کہا، اس حکومت میں ایسے قانون بن رہے ہیں جس سے ملک کا آئین خطرے میں ہے۔یہ تقسیم ہے۔
انہوں نے کہا کہ میں کشمیر سے اروناچل تک سب سے کہنا چاہتی ہوں کہ آپ اپنی آواز اٹھائیں۔اگر ہم خاموش رہیں گے تو امبیڈکر کی جانب سے لکھا گیا آئین ختم ہو جائے گا اور ملک کی تقسیم ہو جائے گی۔ پرینکا نے کہا، آج چاروں طرف نا انصافی ہے، خواتین غیر محفوظ ہیں،سب کو مل کر بھارت کو بچانا ہے۔ 

قابل ذکر ہے کہ سابق وزیر اعظم منموہن سنگھ، کانگرس کے سربراہ سونیا گاندھی اور راہل گاندھی کی قیادت میں کانگرس پارٹی ہفتہ کو دہلی کے رام لیلا میدان میں بھارت بچاو ریلی منعقد کر رہی ہے۔اس ریلی کا مقصد بی جے پی حکومت کی تقسیم پالیسیوں کو اجاگر کرنا ہے۔ اس ریلی میں منموہن سنگھ، سونیا گاندھی، راہل گاندھی کے علاوہ راجستھان کے وزیر اعلیٰ اشوک گہلوت، مدھیہ پردیش کے وزیر اعلیٰ کمل ناتھ، چھتیس گڑھ کے وزیر اعلیٰ بھوپیش بگھیل اور کانگرس کے دیگر سینئر لیڈر موجود ہیں۔