کھٹمنڈو: ایک برطانوی کوہ پیما گائیڈ نے اتوار کے روز ماؤنٹ ایورسٹ پر  19ویں مرتبہ چڑھائی کی ، جس نے دنیا کے سب سے بلند پہاڑ پر سب سے زیادہ چڑھنے کا اپنا ہی ریکارڈ توڑ دیا۔ برطانوی کوہ پیما ماؤنٹ ایورسٹ کا سب سے زیادہ بار چڑھائی کرنے والے ایسے شخص ہیں، جو شیرپا  نہیں ہیں ۔ ہمالین گائیڈز نیپال کی ایشوری پوڈیل نے کہا کہ جنوب مغربی انگلینڈ سے تعلق رکھنے والے 51 سالہ کینٹن کو نے اتوار کو کئی دیگر کوہ پیماؤں کے ساتھ 8,849 میٹر کی چوٹی  پر چڑھائی کی ، اور ان کی صحت ٹھیک ہے اور وہ چوٹی سے نیچے اتر رہے ہیں۔
'ہمالین گائیڈز نیپال' نے مہم کے لیے ضروری سامان فراہم کیا۔ کول نے پہلی بار ماؤنٹ ایورسٹ پر 2004  میں چڑھائی کی تھی اور اس کے بعد سے تقریبا ہر سال ایسا کرتے ہیں۔ وہ 2014 میں ایورسٹ پر چڑھنے سے قاصر تھا کیونکہ 16 شیرپا گائیڈوں کے برفانی تودے میں ہلاک ہونے کے بعد مہم منسوخ کر دی گئی تھی۔ 2015 میں جب زلزلے کی وجہ سے برفانی تودہ گرنے سے 19 افراد ہلاک ہوئے تھے۔
 2020 میں کورونا وائرس وبائی امراض کی وجہ سے  سیشن منسوخ کردیا گیا تھا۔سینکڑوں کوہ پیما اور ان کے رہنما موسم بہار  میںچڑھنے کے دوران پہاڑ پر ہیں ، جن میں سے کئی پہلے ہی کامیاب ہو چکے ہیں، جبکہ اس مہینے کے آخر میں چڑھائی بند ہونے سے پہلے مزید کوششیں کرنے کی امید ہے ۔ مہینے کے آخر میں بارش کے موسم میں حالات خراب ہو جاتے ہیں، جس سے چڑھائی مشکل ہو جاتی ہے۔ صرف نیپالی شیرپا گائیڈز کول سے زیادہ مرتبہ چوٹی پر چڑھ چکے ہیں۔ سب سے زیادہ (30 بار)ماؤنٹ ایورسٹ پر چڑھنے کا ریکارڈ نیپالی شیرپا گائیڈ کامی ریتا کے پاس ہے۔ وہ اب بھی پہاڑ پر ہے اور توقع ہے کہ وہ اگلے چند دنوں میں چڑھائی مکمل کر لیں گی ۔