نئی دہلی: وزیر اعظم نریندر اور بی جے پی کے نئے قومی صدر پارٹی کی حکومت والی ریاستوں کے وزرائے اعلیٰ، نائب وزرائے اعلیٰ کے ساتھ پیر کی شام ملاقات کریں گے۔ سینئر لیڈر جے پی نڈا کا پارٹی کا نیا قومی صدر منتخب کیاجانا تقریباً طے ہے۔نڈا کو بھارتیہ جنتا پارٹی کا نیا قومی صدر مقرر کئے جانے کا سرکاری اعلان میٹنگ میں ہی کیا جائے گا ۔ہماچل پردیش سے آنے والے رہنما جے پی نڈا کے بلامقابلہ بی جے پی کا قومی صدر منتخب ہونے کی توقع ہے۔
پارٹی کے لیڈر نریندر تومر نے نڈا کی ممکنہ تقرری پر کہا کہ ان کے پاس بہت بڑا تنظیمی اور انتظامی تجربہ ہے اور یقین جتایا کہ پارٹی ان کی قیادت میں مضبوط ہوگی۔ راج ناتھ سنگھ، نتن گڈکری، امت شاہ سمیت کئی مرکزی وزیر اور پارٹی حکومت والی ریاستوں کے نمائندے انتخابی عمل شروع ہونے پر نڈا کی حمایت میں 20 جنوری کوکاغذات نامزدگی داخل کریں گے اور ضروری ہونے پر اگلے دن انتخابات ہوں گے ۔ بی جے پی کے سینئر لیڈر رادھاموہن سنگھ پارٹی کی تنظیم انتخابی عمل کے انچارج ہیں۔
بتادیں کہ جے پی میں صدر اتفاق رائے سے اور بغیر کسی مقابلے کے چنے جانے کی روایت رہی ہے اور اس کا کم ہی امکان ہے کہ اس بار بھی اس روایت سے کچھ الگ ہٹ کر ہو گا۔نئے صدر کے انتخاب کے ساتھ ہی پارٹی کے موجودہ صدر امت شاہ کی ساڑھے پانچ سال سے زیادہ کی مدت بھی ختم ہو جائے گا جس دوران بی جے پی نے ملک بھر میں اپنے بیس کو وسعت دی ۔ نڈا کا انتخاب ساڑھے پانچ سال کے لئے کیا جائے گا۔
قابل ذکرہے کہ مودی حکومت کے دوسرے دور میں شاہ کے وزیر داخلہ بننے کے بعد بی جے پی نے ان کے جانشین کو منتخب کرنے کی کوشش شروع کر دی تھی کیونکہ پارٹی میں 'ایک شخص، ایک پوسٹ' کی روایت رہی ہے۔نڈا کو گزشتہ سال جولائی میں ایگزیکٹو چیئرمین مقرر کیا گیا تھا۔یہ اس بات کا اشارہ تھا کہ ہماچل پردیش سے بی جے پی کے رہنما جے پی نڈاتنظیم کے سب سے اعلیٰ عہدے کے لئے ممکنہ پسند ہیں۔