انٹرنیشنل ڈیسک:  'سکھ فار جسٹس '  ( SFJ ) تنظیم نے برطانیہ، کینیڈا، امریکہ اور اٹلی میں ہندوستانی  سفارت خانوں کے باہر بڑے پیمانے پر احتجاجی مظاہرے کیے۔ تنظیم کے مطابق یہ مظاہرے ڈھاکہ سے لے کر واشنگٹن ڈی سی تک عالمی سطح پر منعقد کیے گئے۔ مظاہرین نے کینیڈا میں ہردیپ سنگھ نجر اور بنگلہ دیش میں عثمان ہادی کے قتل کے معاملات کو اٹھاتے ہوئے ہندوستان حکومت پر سنگین الزامات عائد کیے۔

سکھ  فار جسٹس نے دعوی کیا کہ یہ مظاہرے ڈھاکہ سے لے کر واشنگٹن ڈی سی تک عالمی سطح پر کیے گئے، لیکن ماہرین کے مطابق یہ محدود تعداد میں شدت پسند حامیوں کی سرگرمی تھی، جسے سوشل میڈیا کے ذریعے بڑھا چڑھا کر پیش کیا گیا۔ مظاہروں کے دوران کینیڈا میں ہلاک ہونے والے ہردیپ سنگھ نجر اور بنگلہ دیش کے عثمان ہادی کی اموات کو لے کر ہندوستان  پر براہ راست الزامات لگائے گئے، تاہم ان دعوؤں کی تائید میں کوئی بین الاقوامی تحقیقی رپورٹ یا ٹھوس شواہد پیش نہیں کیے گئے۔ ماہرین کا کہنا ہے کہ اس طرح کے الزامات سکھ  فار جسٹس کی پرانی حکمت عملی کا حصہ ہیں، جن کا مقصد ہندوستان  کو ریاستی سرپرستی میں تشدد کرنے والے ملک کے طور پر بدنام کرنا ہے۔

🚨 PRO KHALISTAN — SIKHS FOR JUSTICE (SFJ)

INTERNATIONALIZED MODI REGIME’S TRANSNATIONAL TERRORISM FROM DHAKA TO DC

24 December ACCOUNTABILITY RALLY FROM THE BANGLADESH CONSULATE TO THE INDIAN CONSULATE — VANCOUVER 🇨🇦 pic.twitter.com/SM8gJYZJxo

— J Singh (@jsingh998) December 25, 2025

ان دعوؤں کی کسی آزاد یا سرکاری سطح پر تصدیق نہیں ہو سکی ہے۔ لندن میں مظاہرے کی قیادت پرمجیت سنگھ پما نے کی۔ انہوں نے دعوی کیا کہ ہندوستانی  ایجنسیاں بیرون ملک سکھوں کو نشانہ بنا رہی ہیں۔ پما نے امریکہ میں مقیم سکھ برادری سے مارچ میں سیئٹل میں مجوزہ خالصتان ریفرنڈم میں بڑھ چڑھ کر حصہ لینے کی اپیل کی۔ اٹلی میں گورپال سنگھ نے مقامی زبان میں خطاب کرتے ہوئے ان واقعات کو مبینہ ' ٹارگٹ کلنگز ' کا سلسلہ قرار دیا۔ مظاہروں کے دوران دپندر جیت سنگھ، جیتا سنگھ، گورپریت سنگھ، جسبیر سنگھ اور جگت روپ سنگھ سمیت کئی افراد نے خالصتان کے حق میں نعرے لگائے۔ اس کے ساتھ ہی کچھ بنگلہ دیشی مظاہرین نے 'انڈیا آؤٹ آف بنگلہ دیش'  جیسے نعرے بھی لگائے۔

Global protests erupt as the Sikh community, led by SFJ, accuses #India of assassinating revolutionary #OsmanHadi and Sikh leader Hardeep Singh Nijjar. Demonstrations held in Washington, London, Toronto, Vancouver, Milan, and Melbourne demanding justice.#SikhProtest… pic.twitter.com/Z1XzaWw42f

— Basherkella - বাঁশেরকেল্লা (@basherkella) December 25, 2025

ہندوستان کے حامی حلقوں اور تجزیہ کاروں کا کہنا ہے کہ اس طرح کے مظاہرے بیرون ملک ہندوستان  مخالف علیحدگی پسند بیانیے کو فروغ دینے کی کوشش ہیں۔ مظاہروں کے دوران لگائے گئے خالصتان زندہ باد اور انڈیا آؤٹ جیسے نعرے واضح طور پر ظاہر کرتے ہیں کہ یہ سرگرمی پرامن احتجاج نہیں بلکہ ہندوستان  کی خودمختاری اور سالمیت کے خلاف ایک اشتعال انگیز عمل تھا۔ سکیورٹی ماہرین کے مطابق سکھ فار جسٹس جیسے تنظیمیں غیر ملکی سرزمین کو ہندوستان  مخالف پروپیگنڈا، فنڈنگ اور انتہاپسندی پھیلانے کے لیے استعمال کر رہی ہیں۔  ہندوستان نے بارہا دوست ممالک سے اپیل کی ہے کہ وہ ایسے شدت پسند اور علیحدگی پسند گروہوں کی سرگرمیوں پر سخت نظر رکھیں، کیونکہ یہ نہ صرف ہندوستان  بلکہ عالمی امن اور سماجی ہم آہنگی کے لیے بھی خطرہ ہیں۔