ممبئی: حال ہی میں کپور خاندان سے ایک بہت ہی دل دہلا دینے والی خبر سامنے آئی ہے۔ خبر ہے کہ انیل کپور اور بونی کپور کی والدہ نرمل کپور کا انتقال ہو گیا ہے۔ نرمل کپور نے 90 سال کی عمر میں آخری سانس لی۔2 مئی کی شام کو نرمل کپور کی موت کی خبر آئی، جس کے بعد پوری انڈسٹری میں سوگ کا ماحول ہے۔

کپور خاندان کے قریبی لوگ اور ان کے مداح نرمل کپور کی روح کے سکون کے لیے دعا کر رہے ہیں، حالانکہ کپور خاندان کی جانب سے نرمل کپور کی موت کے حوالے سے ابھی تک کوئی سرکاری بیان جاری نہیں کیا گیا ہے۔

ایک رپورٹ کے مطابق انیل کپور کی والدہ نرمل کپور گزشتہ ایک ہفتے سے ممبئی کے کوکیلا بین اسپتال میں داخل تھیں جہاں ان کا علاج جاری تھا۔ نرمل کپور کافی عرصے سے بیمار تھیں جس کے بعد کپور خاندان نے انہیں کوکیلا بین اسپتال میں داخل کرایا تھا۔ وہ صحت یاب نہ ہوسکی اور اسپتال سے واپس نہ آ سکی اور 90 سال کی عمر میں سب کو چھوڑ کر چل بسیں۔

پروڈیوسر سریندر کپور کی موت کے بعد بونی کپور، انیل کپور اور سنجے کپور نے اپنی بوڑھی ماں کا خاص خیال رکھا۔ فیملی فنکشنز کی تصاویر سامنے آئیں تو یہ تینوں اپنی والدہ کے ساتھ نظر آئے۔

نرمل کپور کی شادی سریندر کپور سے 1955 میں ہوئی تھی۔ ان کے تین بیٹے ہیں - بونی کپور، انیل کپور اور سنجے کپور اور ایک بیٹی رینا کپور ہیں۔ نرمل کپور سونم کپور، ارجن، جانوی اور خوشی کی نانی تھیں۔