نیشنل ڈیسک : مہاراشٹر کے نائب وزیر اعلیٰ اجیت پوار بدھ کے روز ایک طیارہ حادثے کا شکار ہو گئے، جس میں ان کی موت ہو گئی۔ اس حادثے میں مجموعی طور پر پانچ افراد کی جان گئی۔ خبر رساں ایجنسی پی ٹی آئی نے اجیت پوار کی موت کی تصدیق کی ہے۔
 کیسے ہوا حادثے ؟ 
اجیت پوار ممبئی میں کابینہ کی میٹنگ میں شرکت کے بعد ایک نجی کمپنی کے چارٹرڈ طیارے کے ذریعے بارامتی کے لیے روانہ ہوئے تھے۔ بارامتی ہوائی اڈے پر لینڈنگ کے دوران طیارہ حادثے کا شکار ہو گیا۔ یہ حادثہ اس وقت پیش آیا جب وہ پونے ضلع میں پانچ فروری کو ہونے والے ضلع پریشد کے انتخابات سے متعلق پروگراموں کے لیے بارامتی پہنچ رہے تھے۔ ابتدائی  جانکاری  کے مطابق طیارہ حادثے میں اجیت پوار کو شدید چوٹیں آئی تھیں۔

حادثے سے پہلے کی سوشل میڈیا پوسٹ
حادثے سے چند منٹ قبل اجیت پوار نے سوشل میڈیا پلیٹ فارم ایکس پر ایک پوسٹ شیئر کی تھی۔ انہوں نے عظیم مجاہد آزادی لالہ لاجپت رائے کی یوم پیدائش پر خراج عقیدت پیش کیا تھا۔ ان کی پوسٹ کا وقت 28 جنوری صبح 8  بج کر57   منٹ درج ہے۔ پوسٹ میں انہوں نے لکھا کہ عظیم مجاہد آزادی، سوراج کے  پرچارک ،  'پنجاب کیسری 'لالہ لاجپت رائے جی کو ان کی یوم پیدائش پر عاجزانہ خراج عقیدت، جنہوں نے ملک کی آزادی کے لیے اپنا سب کچھ قربان کر دیا۔ ان کی حب الوطنی ہمیں ہمیشہ حوصلہ اور تحریک دیتی رہے گی۔
آگے کی کارروائی
پولیس اور انتظامیہ حادثے کی جانچ کر رہی ہیں۔ ہلاک ہونے والوں کی شناخت اور حادثے کی وجوہات معلوم کرنے کے لیے فضائیاتی جانچ شروع کر دی گئی ہے۔ یہ حادثہ مہاراشٹر کی سیاست کے لیے ایک بڑا صدمہ مانا جا رہا ہے اور اجیت پوار کے اچانک انتقال سے ریاست اور ان کے حامیوں میں غم کی لہر دوڑ گئی ہے۔