انٹرنیشنل ڈیسک: باپ کا اپنے بیٹے کی شادی کینیڈا کی لڑکی سے کروا کر اسے بیرون ملک بھیجنے کا معاملہ سامنے آیا ہے۔ بیرون ملک جانے کے چار پانچ دن بعد لڑکی نے بچولیے کو فون کیا اور کہا کہ وہ اپنے شوہر کو بیرون ملک نہیں بلائے گی۔ اس شکایت کے بعد پولیس نے لڑکی اور اس کے خاندان کے پانچ افراد کے خلاف مقدمہ درج کر لیا ہے۔
 سمالسر تھانے کے اے ایس آئی کلدیپ سنگھ نے بتایا کہ بھلر گاوں کے رہنے والے گردیپ سنگھ نے ایس ایس پی موگا کو تحریری شکایت دی۔ شکایت میں، گردیپ سنگھ نے کہا کہ اس کے گاو¿ں کا سرپنچ بوہڑ سنگھ 2023 میں اپنے رشتہ دار کی بیٹی راج پریت کور جو کہ گاوں سنتو والا، ضلع فیروز پور کی رہنے والی ہے، سے وعدہ کرکے اس کے گھر آیا تھا۔ سرپنچ نے بتایا کہ لڑکی کینیڈا میں پی آر (مستقل رہائشی) ہے اور شادی کے بعد ان کا بیٹا ارشدیپ سنگھ بھی بیرون ملک چلا جائے گا۔ چنانچہ گرودیپ سنگھ نے رشتہ منظور کرلیا۔
اس کے بعد لڑکی کے اہل خانہ نے 20 لاکھ روپے نقد اور شادی کے تمام اخراجات برداشت کرنے کا مطالبہ کیا۔ بالآخر 17 لاکھ روپے میں معاملہ طے پا گیا۔ گرودیپ سنگھ نے 15 مارچ 2023 کو راج پریت کور کے اکاو¿نٹ میں 17 لاکھ روپے منتقل کیے تھے۔ 25 مارچ 2023 کو ہونے والی شادی پر 10 لاکھ روپے اور سونے کے زیورات کی خریداری پر 6 لاکھ روپے خرچ ہوئے۔ شادی کے دوسرے دن لڑکی کے خاندان کے 200 لوگوں کے استقبال پر مزید 3 لاکھ روپے خرچ کئے گئے۔
گرودیپ سنگھ کا کہنا ہے کہ شادی کے بعد ان کی بہو راج پریت کور 26 دن تک ان کے سسرال میں رہی اور پھر کینیڈا چلی گئی۔ چار پانچ دن بعد راج پریت نے بچولیے کو فون کیا اور کہا کہ وہ اپنے شوہر ارشدیپ سنگھ کو بیرون ملک نہیں بلائے گی۔ اس پر متاثرہ کے گھر والوں نے لڑکی اور اس کے گھر والوں کے خلاف پولیس میں شکایت درج کرائی۔