انٹرنیشنل ڈیسک: تھائی لینڈ کے صوبے چاچونگ ساؤ  میں ایک شخص کے لیے ٹوائلٹ جانا اس وقت خوفناک تجربہ ثابت ہوا جب 11 فٹ لمبے اجگر نے اس کے پرائیویٹ پارٹ میں کاٹ لیا۔ یہ واقعہ 19 اگست 2024 کو اس وقت پیش آیا جب 38 سالہ تھانٹ تھانگٹیوانون اپنے گھر کے باتھ روم میں ٹوائلٹ استعمال کر رہا تھا۔ اچانک اسے شدید درد محسوس ہوا اور جب اس نے نیچے دیکھا تو دیکھا کہ اجگر کا جبڑا اس کے پرائیویٹ پارٹ(  شرمگاہ )میں پھنسا ہوا ہے۔
تھانت نے فوری رد عمل ظاہر کیا اور اجگر کو پکڑ کر باتھ روم کے دروازے کی کنڈی سے باندھ دیا۔ اس جدوجہد میں وہ خون سے لت پت ہو گیا  لیکن اس نے ہمت نہیں ہاری۔ ہوش کھونے سے پہلے، اس نے اجگر کے سر کے گرد رسی باندھی اور اسے باتھ روم کے دروازے کی کنڈی سے مضبوطی سے پھنسا دیا، تاکہ سانپ کو بھاگنے سے روکا جا سکے۔
ایمرجنسی سروسز فوری طور پر جائے وقوعہ پر پہنچیں اور تھانت کو فوری طور پر ہسپتال لے جایا گیا، جہاں اسے ٹیٹنس کا انجکشن دیا گیا لیکن اسے ٹانکے نہیں لگے۔ ریسکیو ٹیم نے ٹائلٹ کی پائپ لائن سے اجگر کو ہٹانے کے لیے سسٹم کے کچط حصوں  کو توڑنے کے لیے ہتھوڑوں کا بھی سہارا لیا۔ آخر کاک سانپ کو پکڑ لیا گیا، بحفاظت بیگ میں ڈالا گیا اور بعد میں واپس جنگل میں چھوڑ دیا گیا۔
حکام کو شبہ ہے کہ اجگر پائپ کے ذریعے  تیر کر گھر میں داخل ہوا تھا۔ یہ واقعہ تھائی لینڈ میں خاص طور پر مون سون کے موسم میں بیت الخلا میں سانپوں کے حملوں کی بڑھتی ہوئی تعداد کی طرف اشارہ کرتا ہے۔
تھانت نے واقعے کے بعد کہا کہ میں خوش قسمت ہوں کہ یہ زہریلا سانپ نہیں تھا، اگر یہ کوبرا ہوتا تو میں زندہ نہ بچتا۔اس نے یہ بھی کہا کہ وہ اس ٹوائلٹ کو دوبارہ کبھی استعمال نہیں کرے گا۔ یہ واقعہ صرف تھانت کے لیے ہی نہیں بلکہ پورے تھائی لینڈ کے لیے ایک یاد دہانی ہے کہ ایسے غیر متوقع واقعات سے بچنے کے لیے مون سون کے دوران گھروں میں پائپ لائن  اور بیت الخلا کو باقاعدگی سے چیک کرنے کی ضرورت ہے۔