دہلی این سی آر میں آلودگی خطرناک سطح پر پہنچ چکی ہے۔کئی علاقوں میں ایئر کوالٹی انڈیکس (AQI) 1200 سے تجاوز کر چکا ہے۔بڑھتی آلودگی کو لے کر سیاسی پارٹیاں ایک دوسرے پر الزام لگا رہی ہیں، لیکن ان سب کے درمیان سب سے زیادہ دقت عام لوگوں کو ہو رہی ہے۔آلودگی کی وجہ  سے قومی دارالحکومت میں سانس لینا مشکل ہو گیا ہے۔آلودگی کی وجہ  سے لوگ اب دہلی سے دور جانا چاہتے ہیں۔

ایک سروے کے مطابق، دہلی اور این سی آر کے  علاقہ کے 40 فیصد لوگ شہر کو چھوڑنا چاہتے ہیں۔ سروے دہلی، نوئیڈا، گوروگرام، غازی آباد اور فرید آباد میں ہوا۔اس میں 17000لوگوں کی رائے لی گئی۔دہلی قومی دارالحکومت علاقہ کے باشندوں سے پوچھا گیا کہ مرکزی اور ریاستی حکومتوں نے آلودگی کے خلاف گزشتہ 3 سالوں میں جس طرح سے اسکیمیں چلائی، کیا وہ کافی ہیں۔حیرانی کی بات رہی کہ 40 فیصدی باشندوں نے کہا کہ وہ دہلی ،  این سی آر کو  چھوڑ کر کہیں اور جانا چاہتے ہیں۔

گزشتہ سال کیا آنکڑے تھے؟
گزشتہ سال کے سروے میں، دہلی این سی آر علاقہ کے 35 فیصد باشندوں نے کہا تھا کہ وہ علاقے میں بڑھتی ہوئی آلودگی کے ضمنی اثرات سے خود کو اور اپنے خاندان کے اراکین کو بچانے کے لئے اپنے شہر کو چھوڑنا چاہتے ہیں۔گزشتہ سال کے مقابلے سے پتہ چلتا ہے کہ دہلی این سی آر  میں آلودگی کی وجہ  سے شہر چھوڑنے کا  خیال رکھنے والوں کافیصد 1 سال میں 35 فیصد سے بڑھ کر 40 فیصد ہو گیا۔

لوگ ٹیکس دیتے  ہیں اور کم از کم امید کرتے ہیں کہ حکومت صاف ہوا، پینے کا صاف پانی اور  گڈھوں سے مکت سڑکیں فراہم کرے گی۔لوگوں نے بتایا کہ کس طرح ان کے خاندان کے کچھ ارکان نے پھیپھڑوں، گلے کے کینسر سمیت سنگین صحتی حالات کا تجربہ کرنا شروع کر دیا ہے۔