اسلام آباد: پاکستان کے قومی سلامتی کے مشیر معید یوسف کی قیادت میں ایک بین وزارتی وفد منگل کو  افغانستان کے ساتھ متصل سرحد پر باڑ لگانے کے مدعے پر طالبان حکومت کے ساتھ  تبادلہ خیال کرے گا  او جنگ زدہ ملک کی انسانی ضروریات کا جائزہ لے گا ۔ ایک میڈیا خبر میں یہ جانکاری دی گئی ۔ 
عہدیداروں نے ڈان اخبار کو بتایا کہ 18 سے 19 جنوری تک اپنے دورے کے دوران، یوسف افغانستان کو انسانی امداد فراہم کرنے کے طریقوں پر بات کریں گے، جو اقوام متحدہ کی ضروریات اور بین الاقوامی پابندیوں کے تقاضوں کے مطابق ہوں گے۔
 اقوام متحدہ میں انسانی بحران سے بچنے کے لیے افغانستان کے انسانی بحران پر تبادلہ خیال کیا گیا ہے۔ اقوام متحدہ کے سیکریٹری جنرل انتونیو گوٹیرس نے 13 جنوری کو کہا کہ لاکھوں افغان شہری موت کے دہانے پر تھے۔ انہوں نے بین الاقوامی برادری سے اقوام متحدہ کی پانچ ارب امریکی ڈالر کی انسانی اپیل کے تحت ہمدردی فنڈ دینے ، افغانستان کی قبضائی گئی جائیداد چھوڑنے اور افغانستان کی اقتصادی اورسماجی  زوال کو روکنے کے لئے  اس کی بنکنگ نظام کو پھر سے بحال کرنے پر زور دیا تھا ۔ 
ہنر مند کارکنوں کی قریب قریب مکمل ہجرت افغانستان کو درپیش بڑے چیلنجوں میں سے ایک ہے، جس سے اس کی صحت اور بنیادی ڈھانچے کے شعبے متاثر ہو رہے ہیں۔پاکستانی حکام نے کہا کہ وہ ان افغان مہاجرین کو منتقل کرنے کا ارادہ رکھتے ہیں۔ جو پاکستان میں تعلیم یافتہ اور تربیت یافتہ ہیں۔دونوں ممالک کے درمیان جاری اختلافات کے درمیان یوسف ڈیورنڈ لائن کے ساتھ سرحد پر باڑ لگانے کے معاملے پر بھی بات کریں گے۔