اسلام آباد: درست دستاویزات کے بغیر رہ رہے افغانستان کے کم از کم پانچ لاکھ افراد  نے دو ماہ سے زائد عرصے میں پاکستان چھوڑ دیا ہے ۔ پاکستان کے قائم مقام وزیر داخلہ نے جمعہ کو یہ اطلاع دی۔ افغان شہریوں کی یہ واپسی حکومت پاکستان کی جانب سے دو ماہ قبل شروع کی گئی ملک گیر کارروائی کا حصہ ہے۔ 
پاکستان کا کہنا ہے کہ یہ مہم صرف افغانستان کے شہریوں کے لیے نہیں ہے۔ قائم مقام وزیر داخلہ سرفراز بگٹی نے جمعہ کو اسلام آباد میں صحافیوں کو بتایا کہ گزشتہ دو ماہ کے دوران 482,000 سے زائد افغان شہری وطن واپس جا چکے ہیں جن میں سے 90 فیصد رضاکارانہ طور پر جا رہے ہیں۔
انہوں نے کہا کہ پاکستان نے ان 10 افغان شہریوں کو ان کے ملک واپس بھیجنے کا فیصلہ کیا ہے جو قانونی عمل کے ذریعے ملک میں موجود ہیں لیکن سیاست میں حصہ لے رہے ہیں۔ بگٹی نے کہا کہ صرف پاکستانی شہریوں کو ملک میں سیاسی سرگرمیوں میں حصہ لینے کی اجازت ہے۔ اگر کوئی غیر ملکی کسی سیاسی سرگرمی میں ملوث پایا گیا تو اسے فوری طور پر ملک بدر کر دیا جائے گا۔