انٹرنیشنل ڈیسک: شمالی کوریا میں  سنکی کنگ کے  دل دہلا دینے والے حکم کا چونکا دینے والا معاملہ سامنے آیا ہے۔ یہاں ہائی سکول میں پڑھنے والے دو طالب علموں کو ڈرامہ شو دیکھنے کے بعد قتل کر دیا گیا، ان کی غلطی صرف یہ تھی کہ دونوں نے جنوبی کوریا میں بنایا گیا شو دیکھ لیا تھا۔ ریڈیو فری ایشیا کی رپورٹ کے مطابق دونوں طالب علموں کی عمریں 15-16 سال تھیں۔ انہیں بھیڑ کے سامنے سرعام گولی مار دی گئی۔ دراصل، شمالی کوریا اور جنوبی کوریا کے درمیان کشیدگی ہے ،جس کی وجہ سے شمالی کوریا کے لوگ جنوبی کوریا میں بننے والے شوز اور فلمیں نہیں دیکھ سکتے۔
کورین میڈیا کے حوالے سے برطانوی اخبار 'دی انڈیپنڈنٹ' نے اپنی رپورٹ میں لکھا کہ یہ واقعہ اکتوبر میں پیش آیا لیکن سامنے اب آیا ہے ۔ ا یک عینی شاہد نے بتایا کہ انہیںسزا  دیکھنے پر مجبور کیا گیا۔ صدر کِم جونگ ان کے عہدے داروں نے ہائیسن شہر میں رہنے والے لوگوں سے کہا کہ وہ ایک خالی میدان میں جمع ہوں۔ یہاں کچھ افسران نے طلبہ کو بھیڑ کے سامنے موت کی سزا سنائی اور گولی مار دی۔ دونوں طالب علموں کی ملاقات شمالی کوریا کے صوبے ریانگ گانگ کے ایک ہائی اسکول میں ہوئی۔ یہاں دونوں نے بہت سے جنوبی کوریائی اور امریکی ڈرامے اور فلمیں دیکھی تھیں۔ دونوں پر کورین ڈرامہ دوسروں کو دکھانے کا بھی الزام تھا۔ رپورٹ میں بتایا گیا کہ دونوں نے اپنے دوستوں میں کورین ڈرامے کا لنک بھی شیئر کیا۔
 اس کے علاوہ شمالی کوریا کے تاناشاہ کم جونگ ان کی ایک اور سفاکیت منظر عام پر آگئی ہے۔ اپنے  والد کم جونگ اِل کے یوم پیدائش پر ہزاروں افراد کو سخت سردی میں کھڑا رکھا گیا۔ لوگ 30 منٹ تک -15 ڈگری سیلسیس کے درجہ حرارت میں بغیر دستانے یا ٹوپی کے کھڑے رہے اور کم جونگ ان اپنے والد کے کام کی تعریف  کرتے رہے ۔  جنوبی کوریا کے ساتھ جاری کشیدگی کے درمیان شمالی کوریا میں پنگسان کتوں ، گومی اور سونگ گینگ کی جوڑی سیاسی جھگڑے کا باعث بن گئی ہے ۔  یہ کتے کم جونگ ان نے 2018 میں جنوبی کوریا کے اس وقت کے صدر مون جے اِن کو تحفے میں دیے تھے۔ جب مون اپنی مدت پوری کرنے کے بعد راشٹرپتی بھون سے نکلے تو وہ ان کتوں کو اپنے ساتھ لے گئے۔ یون سک یول مئی میں صدر بننے کے بعد بھی کتے مون کے ساتھ ہیں۔ اب مون نے ان کتوں کو چھوڑنے کی بات کہی ہے ۔