شکاگو: امریکہ کے شہر شکاگو میں یوم آزادی پریڈ کے دوران فائرنگ کی خبریں سامنے آرہی ہیں۔ یہ واقعہ شکاگو سے 25 میل دور شکاگو کے نواحی علاقے ہائی لینڈ پارک میں پیش آیا۔ NBCChicago.com کے مطابق فائرنگ کے نتیجے میں 9 افراد ہلاک اور 57 زخمی ہوئے۔ لیک کاؤنٹی شیرف کے دفتر نے یہ  جانکاری دی ہے۔ دفتر نے لوگوں سے کہا ہے کہ وہ علاقے سے دور چلے جائیں تاکہ پولیس اپنا کام کر سکے۔

پولیس کے مطابق دو افراد نے فائرنگ کی۔ بتایا جاتا ہے کہ پریڈ صبح 10 بجے شروع ہوئی لیکن فائرنگ کی وجہ سے 10 منٹ بعد پریڈ روک دی گئی۔ سن ٹائمز کے نمائندے نے بتایا کہ اس نے خون میں لت پتھ کچھ لاشوں کو  کمبل میں ڈھکی ہوئی دیکھیں۔ کئی عینی شاہدین نے اخبار کو بتایا کہ انہوں نے گولیوں کی آوازیں سنی ہیں۔ پریڈ میں شرکت کرنے والے سینکڑوں لوگوں میں سے کچھ کو خون میں لت پت دیکھا گیا۔ وہ اپنی کرسیاں، بچوں کا سامان اور کمبل وہاں چھوڑ کر بھاگ گئے۔

چند گھنٹے بعد  ہی ملزم گرفتار
 وہیں،  حملے کے چند گھنٹے بعد، پولیس نے اس فائرنگ کے ایک مشتبہ شخص کو گرفتار کر لیا۔ ملزم کی عمر 22 سال ہے اور اس کا نام رابرٹ کریمو ہے۔ لیک کاؤنٹی شیرف کے دفتر نے کہا کہ ملزم کریمو حراست میں ہے۔ اس سے پوچھ گچھ جاری ہے۔ حملے کی کئی دیگر زاویوں سے تفتیش کی جا رہی ہے۔ پولیس نے یہ بھی بتایا کہ زخمی ہونے والے 24 افراد میں سے کچھ کی حالت تشویشناک ہے، جن میں بچے بھی شامل ہیں۔
امریکی نمائندے نے ہلاکت پر دکھ کا اظہار کیا
اس حملے کے بعد امریکی رہنماؤں نے بھی ہلاکتوں پر دکھ کا اظہار کیا ہے۔ رائٹرز کی رپورٹ کے مطابق امریکی نمائندے بریڈ شنائیڈر نے بتایا کہ جب ہائی لینڈ پارک میں فائرنگ شروع ہوئی تو وہ اور ان کے ضلع کی مہم کی ٹیم پریڈ میں سب سے آگے تھی۔ شنائیڈر نے ٹویٹر پر کہا کہ بہت سے لوگوں کی جان جانے اور کئی کے زخمی ہونے کی اطلاع ہے ۔ حملے کے تمام متاثرین اور ان کے اہل خانہ سے میری تعزیت ہے۔