سمستی پور: اتر پردیش کے وزیر  اعلیٰ یوگی آدتیہ ناتھ پر جن ادھیکار پارٹی کے قومی صدر اور سابق ممبر پارلیمنٹ راجیش رنجن عرف پپو یادو نے شدید زبانی حملہ کیا۔پہلے تو انہوں نے یوگی کوپاگل کہہ دیا اس کے بعد بگڑے  بول پر قابو نہ کرتے ہوئے کہا کہ اگر یوگی اور پپو یادو ایک ہی ریاست میں ہوتے تو میں ان کے سینے پر چڑھ ان کی32 ہڈیاں توڑ دیتا۔

وزیر اعلیٰ سے متعلق یہ دھمکی آمیز لہجہ انہوں نے اس وقت اختیار کیا جب  سمستی پور میں منعقد سرکاری بس سٹاپ میں سی اے اے اور این آر سی کے  خلاف آئین  بچاؤ گھرش سمیتی کے بینر تلے شروع ہوئے غیر معینہ ستیہ گرہ  چل رہا تھا، جسے پپو یادو حمایت دے رہے تھے۔اس موقع پر سابق ایم پی نے مرکزی حکومت سمیت تمام اپوزیشن پارٹیوں پر جم کر حملہ کیا۔انہوں نے کہا کہ اس ملک میںاب  ظلم بڑھتا جا رہا ہے۔جے این یو ،جامعہ یونیورسٹیوں قدیم  مندروں پر حملہ کیا جا رہا ہے ۔

 پپو یادو نے کہا کہ جمہوریت میں ستیہ گرہ سے بڑی  اور تحریک کیا ہو سکتی ہے۔سمستی پور کے ضلع مجسٹریٹ اور انتظامیہ کی طرف سے ستیہ گرہ کرنے والے لوگوں کو دھمکی دی جا رہی ہے۔ انہوں نے کہا کہ پہلی ترجیح  یوپی کو بچانا ہے سابق ایم پی نے کہا کہ 1 جنوری کے بعد ان مخالفین  کی طرف سے ایک بھی ٹویٹ نہیں کیا گیا ہے۔پورا ملک خوف کے ماحول میں ہو اور اپوزیشن گھر میں سویا ہو اور اپنی سیاست میں لگا ہو یہ ملک برداشت نہیں کرے گا۔سابق ممبر پارلیمنٹ پپو یادو نے کہا کہ اس وقت ان کی پہلی ترجیح اترپردیش کو بچانا ہے۔وہاں کے مندروں کو بچانا ہے، وہاں کی بیٹیوں کو بچانا ہے۔