لکھنؤ: رنگوں کے تہوار ہولی میں ہڑدنگ کی وجہ سے کئی بار رنگ میں بھنگ پڑ جاتا ہے،ایسے میں اتر پردیش کے وزیر اعلیٰ  یوگی آدتیہ ناتھ نے تہوار پر قانونی نظام کو برقرار رکھنے کے پیش نظر ریاست  کے تمام اضلاع کی پولیس انتظامیہ کے حکام کو ضروری تیاریاں کرنے کے ساتھ ساتھ الرٹ رہنے اور ضروری احتیاط برتنے کی ہدایت دی ہے۔ انہوں نے کہا کہ 9 اور 10 مارچ کو ہولی کے تہوار کو ہر حال میں پرامن ماحول میں  ختم کروائیں۔

انہوں نے یہ ہدایات لوک بھون واقع اپنے دفتر میں ویڈیو کانفرنسنگ کے ذریعے تمام ڈی ایم اور ایس پی کو دی۔انہوں نے کہا کہ تمام مذاہب کی اہم شخصیات  سے مسلسل بات چیت کو برقرار رکھیں۔ حالانکہ ہن  کے مقامات پر  مناسب سیکورٹی  کا نظام کیا جائے گا ۔اس کام میں ہوم گارڈ، چوکیدار، سول ڈیفنس ، پی آر ڈی، ایف پی او اور علاقائی سینئرز کا تعاون لیا جائے۔ اگر ہنگامہ  ہوتا ہے  تو اس کے  ذمہ دار ڈی ایم اورایس پی ہوں گے 
شرارتی عناصر کے خلاف بغیر تاخیر کے ہو کارروائی
 وزیر اعلیٰ نے کہا کہ شرارتی عناصر کے خلاف بغیر امتیاز کے سخت کارروائی کی جائے اور اس بات کو یقینی کیا جائے کہ ایسے عناصر مقررہ وقت سے پہلے  ہولی دہن نہ کر پائیں۔ انہوں نے شرارتی عناصر کی نشاندہی کر مؤثر کارروائی کرنے کے بھی ہدایت  دی ۔
افواہوں کی سوشل میڈیا پر فوری طور پر کی  جائے تردید
وزیر اعلیٰ نے کہا کہ سوشل میڈیا کی تمام پلیٹ فارمز کی مانیٹرگ کرتے ہوئے قابل اعتراض تصاویر اور ویڈیو پوسٹ کرنے والوں کے خلاف سخت اور مؤثر کارروائی کی جائے،کسی بھی حال میں افواہیں نہ پھیلنے دی جائیں،ساتھ ہی افواہوں کی فوری طور پر تردید یقینی بنائی جائے۔