واشنگٹن: ڈیموکریٹک پارٹی کے قانون سازوں کی جانب سے امریکی صدر ڈونالڈ ٹرمپ کو ایران کے خلاف مزید کارروائی کرنے سے روکنے کی کوشش جمعہ کو پارلیمنٹ کے ایوان بالا یعنی سینیٹ میں مسترد کر دی گئی۔ ٹرمپ کی ریپبلکن پارٹی نے پارلیمنٹ میں پیش کی جانے والی تجویز کی مخالفت کی۔ سینیٹر ٹم کین کی تجویز کا مقصد اس بات کو یقینی بنانا تھا کہ ٹرمپ کو ایران کے خلاف مزید کوئی فوجی کارروائی کرنے سے پہلے کانگریس کی منظوری لینی ہوگی۔
یہ پوچھے جانے پر کہ اگر وہ ضروری محسوس کرتے ہیں تو کیا وہ ایران کے جوہری مقامات پر دوبارہ بمباری کریں گے، ٹرمپ نے کہا،'بالکل'، بغیر کسی ہچکچاہٹ کے۔ تجویز کی منظوری کو دور کی کڑی مانا جارہا ہے ۔ ریپبلکن پارٹی کو سینیٹ میں اکثریت حاصل ہے اور 100 رکنی سینیٹ میں اس کے ارکان کی تعداد 53 ہے۔ ریپبلکن پارٹی کے قانون ساز صدر ٹرمپ کے ایران پر حملے کے فیصلے کے ساتھ کھڑے ہیں۔
زیادہ تر ریپبلکن قانون سازوں کا کہنا ہے کہ ایران ایک آسنن خطرہ ہے جس کے لیے ٹرمپ کی جانب  فیصلہ کن اقدام کی ضرورت ہے۔ انہوں نے کانگریس کی منظوری کے بغیر گذشتہ ہفتے کے آخر میں تین ایرانی جوہری مقامات پر بمباری کرنے کے ٹرمپ کے فیصلے کی حمایت کی۔