بنگلورو: وزیر اعظم نریندر مودی نے اتوار کو کہا کہ پاکستان میں دہشت گردوں کے خلاف آپریشن سندور میں ہندوستان کی کامیابی کی بڑی وجہ دیسی ٹیکنالوجی اور دیسی ساختہ ہتھیاروں کی طاقت ہے۔
انہوں نے اس کے لیے خاص طور پر بنگلورو کے نوجوان ہنرمندوں کے تعاون کی تعریف کی، جسے ہندوستان کی سلیکون ویلی سمجھا جاتا ہے۔ بنگلورو میں میٹرو ریل پروجیکٹوں کے افتتاح اور سنگ بنیاد رکھنے کے بعد ایک تقریب سے خطاب کرتے ہوئے مسٹر مودی نے کہاکہ "آپریشن سندور کی کامیابی کے پیچھے ایک بڑی وجہ ہماری ٹیکنالوجی اور ہمارے دفاعی شعبے میں میک ان انڈیا کی مضبوطی ہے۔انہوں نے کہا کہ بنگلورو اور کرناٹک کے نوجوانوں نے بھی اس میں بہت تعاون کیا ہے۔
ٹکنالوجی کے میدان میں بنگلورو کی شراکت کا ذکر کرتے ہوئے مسٹر مودی نے اس خطہ کے نوجوانوں پر زور دیا کہ وہ ٹیکنالوجی اور سافٹ ویئر کی ترقی پر توجہ مرکوز کریں جو دنیا کے ساتھ ساتھ ہندوستان کی ضروریات پر مرکوز ہے۔
وزیر اعظم نے کہاکہ آپریشن سندور کے بعد آج میں پہلی بار بنگلورو آیا ہوں۔ آپریشن سندور میں ہندوستانی فوج کی کامیابی، سرحد پار کئی کلومیٹر تک دہشت گردوں کے ٹھکانوں کو تباہ کرنے کی ہماری صلاحیت اور پاکستان کو، جو ان کے بچاو کے لیے آیا تھا، کو چند گھنٹوں میں گھٹنے ٹیکنے کی ہماری صلاحیت... پرانی دنیا نے نئے ہندوستان کی یہ شکل دیکھی ہے۔
مسٹر مودی نے ریاستی سطح پر اصلاحات کو آگے بڑھانے اور ہندوستان کو ایک ترقی یافتہ ملک بنانے کے لیے مرکز کے ساتھ مل کر کام کرنے کی ضرورت پر زور دیا۔ انہوں نے کہا کہ ان کی حکومت نے تمام پرانے غیر متعلقہ قوانین اور قواعد کو ختم کر دیا ہے۔ اسی طرح ریاستی حکومتوں کو بھی اپنے قوانین کی اصلاح اور قانون میں مجرمانہ دفعات کو ختم کرنے پر کام کرنا چاہیے۔