نئی دہلی: وزارت اطلاعات و نشریات نے منگل کے روز تمام نجی سیٹیلائٹ ٹی وی چینلز کو ایک ایڈوائزری جاری کرتے ہوئے ان سے ایسے مواد کے بارے میں محتاط رہنے کی ہدایت دی ہے جو تشدد کو فروغ دیتے ہیں یا ملک مخالف نقطہ نظر کو بڑھاوا دیتے ہیں ۔
بتادیں کہ شمال مشرقی دہلی میں ہور ہے تشدد میں اب تک 22 افردا ہلاک ہوچکے ہیں جبکہ 200 سے زائد افراد زخمی ہیں ، جو ہسپتال میں زیر علاج ہیں۔ان میں سے کئی کی حالت نازک بتائی جارہی ہے ، جس کی وجہ مزید موت ہونے کے امکان سے انکار نہیں کیا جاسکتا ۔
وزارت اطلاعات ونشریات کی جانب سے جاری ایڈوائزری میں کہا گیا یہ دوہرایا جاتا ہے کہ تمام ٹی وی چینلز کو مشورہ ہے کہ وہ کسی بھی ایسے مواد کے بارے میں محتاط رہیں جن سے تشدد پھیلتا ہو،یا امن و امان کے خلاف کوئی بھی چیز ہو یا یہ ملک دشمن نظریہ کو فروغ دے۔ ایڈوائزری میں ٹی وی چینلز کو یہ بھی کہا کہ وہ مذہب یا برادری پر حملہ کرنے والے مواد سے باز رہیں۔