لندن: برطانیہ کے محکمہ برائے ٹرانسپورٹ میں ہوا بازی کے ڈائریکٹر نے بدھ کو خواتین پائلٹوں کی تعداد اور ڈیجی یاترا کے نفاذ پر ہندوستان کی ستائش کی۔ قومی دارالحکومت میں سی اے پی اے انڈیا ایوی ایشن سمٹ 2023 میں، ایوی ایشن ڈائریکٹر اور سول ایوی ایشن کے ڈائریکٹر جنرل (یو کے)نے ' ڈیزائننگ اے فیوچر - پروف ایوی ایشن اینڈ ایئر پورٹس سسٹم ' پر اپنے خیالات کا اظہار کرتے ہوئے کہا کہ ڈیجی یاترا  حکومت کا ایک بے مثال قدم ہے۔ اس نے یہ بھی کہا کہ مجھے ہندوستان میں خواتین پائلٹوں کی تعداد سے جلن ہوتی ہے ۔ ہم تھوڑا پیچھے ہیں۔
بات چیت کے دوران، انہوں نے تجویز دی کہ کس طرح برطانیہ اور ہندوستانی حکومتیں اہداف کو پورا کرنے کے لیے تعاون کر سکتی ہیں۔ رانیہ نے کہا کہ "ریگولیشن اور پالیسی صارفین کے بارے میں زیادہ ہونی چاہئے کیونکہ فلائٹ صارفین کے  لئے ہے ۔ دنیا بھر میں بہت ساری حکومتیں ضوابط پر بہت زیادہ توجہ مرکوز کرتی ہیں اور صارفین کو دوسرے نمبر پر رکھتی ہیں۔
انہوں نے مزید کہا کہ برطانیہ میں کووڈ نے سب سے پہلے Pax کو حقوق سے آگاہ کرنے والا ایک کسٹمر چارٹر سامنے لایا۔ دیگر اہم چیزیں تھیں،  ڈیجیٹائزیشن، اختراع اور ڈیکاربونائزیشن ۔ ہمیں احساس ہوا کہ ہمارے سامنے ایک مشکل مستقبل ہے۔" بات چیت کے دوران، انہوں نے اس بات پر زور دیا کہ گاہک پر مبنی منصوبے، جدت طرازی اور ٹیکنالوجی جیسے خدمات کی ڈیجیٹائزیشن  اور ہوا بازی کی صنعت کے لیے وبائی امراض اور بحالی کے راستے کے دوران  ڈیکاربونائزیشن کلیدی سبق ہیں۔