لندن : برطانیہ میں جمعرات کو ہونے وال عام انتخابات میں ہندوستانی کتنے اہم ہیں اس بات کا اندازہ اسی بات سے لگایا جا سکتا ہے کہ وزیر اعظم بورس جانسن اپنی گرل فرینڈ کیری سائیمنڈس کے ساتھ یہاں ایک ہندو مندر پہنچے اور وزیر اعظم نریندر مودی کے مشن 'نیا بھارت' کیلئے ان کے ساتھ مل کر کام کرنے کا عہد کیا ۔ 

ہندوستانی طبقے کو لبھانے کیلئے بورس نے اپنی گرل فرینڈ کیری سائیمنڈس کے ساتھ مشہور ہندو مندر میں درشن کئے ۔ اس دوران جانسن نے نئے ہندوستان  کی تعمیر میں وزیر اعظم نریندر مودی کے ساتھ سانجھیداری کا عز کیا ۔ 31 سالہ سائیمنڈس نے اتوار کے روز بورس جانسن کے ساتھ لندن میں شمالی مغربی علاقے نیسڈین میں پہلی انتخابی مہم کی ۔ دونوں مشہور سوامی نارائن مندر پہنچے ، جہاں چٹک گلابی رنگ کی ساڑی پہنے سائیمنڈس اور جانسن نے ہندوستانی طبقے سے ملاقات کی ۔ 

https://twitter.com/ANI/status/1203846969656889346
اس دوران برطانوی وزیر اعظم نے کہا کہ میں جانتا ہوں کہ وزیر اعظم نریندر مودی نئے ہندوستان کی تعمیر کررہے ہیں ۔ برطانوی حکومت میں ہم اس کوشش میں ان کی حمایت کریں گے ۔ جانسن کی اقتدار میں قابض کنزرویٹو پارٹی اوپینین پول میں اپوزیشن لیبر پارٹی سے آگے چل رہی ہے ۔ کشمیر مدعے پر اپوزیشن لیبر  پارٹی کے ہندوستان مخالف رخ پر اشارہ کرتے ہوئے جانسن  نے کہا کہ  اس ملک میں کسی بھی طرح کی نسل پرستی یا ہندوستان مخالف جذبات کیلئے کوئی جگہ نہیں ہے ۔ تلک لگائے اور گلے میں مالا پہنے جانسن نے کہا کہ برطانوی ہندوستانیوں نے پہلے بھی کنزرویٹو کو جیتنے میں مدد کرنے میں اہم کردار ادا کیا ہے ۔ جب میں نے نریندر (مودی) بھائی سے یہ کہا تو وہ ہنسنے لگے اور بولے ہندوستانی ہمیشہ جیتنے والے کے ساتھ رہتے ہیں ۔