جموں و کشمیر  کے سرینگرمیں 3 روزہ (22-24مئی)  جی20- ٹورازم ورکنگ گروپ کا تیسرا اجلاس   ہوا۔ یہ پیشرفت کشمیر کے حوالے سے بھی تاریخی ہے کیونکہ جی20-گروپ کا عالمی معیشت میں 85فیصد، تجارت کا 75 فیصد سے زیادہ حصہ ہے۔ ڈل جھیل کے قریب منعقدہ اس عظیم الشان تقریب میں یورپی یونین، امریکہ، برطانیہ، فرانس اور جرمنی سمیت 29 ممالک کے 60سے زائد  نمائندوں نے شرکت کی۔
 ذرا تصور کریں، وہ علاقہ جو اگست 2019 تک صرف مذہب کی بنیاد پر دہشت گردی، پاکستان کی حمایت یافتہ علیحدگی پسندی، مشتعل ہجوم کی طرف سے روزانہ فوجی قافلوں پر پتھراؤ، جہادیوں کی مقامی حمایت اور بھارت مخالف نعروں کی وجہ سے بدنام تھا۔ وہاں دنیا کی سب سے بڑی کثیر القومی میٹنگ کا انعقاد کامیابی سے منعقد کیا گیا  ۔ یہ سب کیسے ممکن ہوا؟بھارت نے جی20-اجلاس کے ذریعے کشمیر میں رونما ہونے والی حیرت انگیز تبدیلی کو دنیا کے ساتھ شیئر کیا ہے۔
اس  لئے  بھارت کے مخالفین (اندرونی -بیرونی)کا مایوس ہونا فطری ہے۔ معاشی اور سیاسی طور پر پریشان پاکستان کا اس خطے پر  شروع  سے ہی گدھ  والا نظریہ ہے۔
 اس  لئے  عالمی تعاون کے نام پر اسے صرف چین، سعودی عرب اور ترکئے کی حمایت حاصل ہے۔ یہی وجہ ہے کہ ان تینوں ممالک کے نمائندے سری نگر اجلاس میں بھی  نہیں پہنچے۔ لیکن اس موبلائزیشن کو پھر سے دنیا کے طاقتور ممالک نے سرینگر کے  جی 20- اجلاس میں شرکت کرکے تباہ کردیا۔ اس کا مطلب  ہے کہ زیادہ تر دنیا کے  لئے  کشمیر اب متنازع نہیں رہا۔
اس تبدیلی کی 2اہم وجوہات ہیں۔ سب سے پہلے،  پردھان منتری  نریندر مودی کی قیادت میں ہندوستان اپنے اندرونی معاملات میں کسی بھی غیر ملکی مداخلت کے خلاف سخت پیغام دے رہا ہے۔ حال ہی میں جب اقوام متحدہ کے انسانی حقوق کے خصوصی  سفیرڈاکٹر فرناڈ ڈی وارینس نے سوشل میڈیا پر کشمیر میں انسانی حقوق کی من گھڑت خلاف ورزیوں کا حوالہ دے کر سری نگر  جی 20- اجلاس کو داغدار کرنے کی کوشش کی تو بھارت نے انہیں آئینہ دکھانے میں دیر نہیں کی۔
 مودی حکومت نے واضح کر دیا ہے کہ کشمیر پر اب اگر کسی سوال پر بات کرنا ممکن ہے تو وہ صرف پاکستان کے زیر قبضہ کشمیر(پی او کے)ہے۔دوسرا، آرٹیکل 370،35 اے کی آئینی نظرثانی کے بعد  جموں و کشمیر نے اپنی شان و شوکت کی طرف لوٹنا شروع کر دیا ہے۔
 دہائیوں سے تباہ حال وادی میں زندگی تقریباً معمول پر ہے، جس کا حال تک تصور بھی نہیں کیا جا سکتا تھا۔ گزشتہ سال یہاں کی اقتصادی ترقی کی شرح میں 14.64 فیصد اور ٹیکس ریونیو میں 31 فیصد اضافہ ہوا ہے۔ اس دوران اس نے 1548کروڑ روپے کی سرمایہ کاری حاصل کی، جو کسی بھی دوسرے مالی سال سے زیادہ ہے۔ مارچ 2023 میں حکومت ہند نے خطے کی مربوط ترقی کے  لئے  1,18,500 کروڑ روپے کا بجٹ پاس کیا تھا۔
معاملہ صرف یہیں تک محدود نہیں ہے۔ شفاف نظام کی وجہ سے جموں و کشمیر میں پروجیکٹوں پر عمل درآمد میں بھی 10 گنا اضافہ ہوا ہے۔ سال 2018میں 9,229  پروجیکٹ  مکمل ہوئے، پھر مالی سال 2022-23میں 92,560 پروجیکٹ  مکمل ہوئے۔ گزشتہ 4سالوں میں خود روزگار سکیموں کے تحت 7,70,000نئے کاروباری افراد کو رجسٹر کیا گیا ہے۔ 2019 سے اب تک 28,000سے زیادہ تقرریاں کی جا چکی ہیں۔
لہٰذا سال2023میں جن 12,000 اسامیوں کی نشاندہی کی گئی تھی ان میں سے نصف پر کارروائی جاری ہے۔ 450عوامی خدمات کو آن لائن کیا گیا ہے۔سیاحت جموں و کشمیر کی مجموعی گھریلو پیداوار کا ایک اہم ستون ہے۔ سال 2022 میں تقریباً 1.8کروڑ سیاح (غیر ملکیوں سمیت) یہاں آئے تھے، جو اس سال 2 کروڑ سے تجاوز کرنے کی امید ہے۔
 سیاحوں کی بڑھتی ہوئی تعداد کو مدنظر رکھتے ہوئے جموں و کشمیر میں 300نئے سیاحتی مراکز کھولنے کا فیصلہ کیا گیا ہے۔ لوگ رات گئے تک مشہور شکارا سواری سے لطف اندوز ہو رہے ہیں۔وادی میں نائٹ بس سروس بحال کردی گئی ہے اور سکول، کالج اور یونیورسٹیاں بھی آرام سے چل رہی ہیں۔ دکانیں بھی دیر تک کھلی رہتی ہیں۔ تین دہائیوں سے زائد کے وقفے کے بعد نئے اور پرانے سینما ہال بھی آسانی سے چل رہے ہیں۔
بھارتیہ فلم انڈسٹری نے بدلتے ہوئے کشمیر کے ساتھ اپنے پرانے تعلقات کو بحال کرنا شروع کر دیا ہے۔ یہ وادی کبھی فلم بینوں کے  لئے  پسندیدہ مقام تھی۔ جیسے جیسے کشمیر میں بنیاد پرست اسلام کا غلبہ بڑھتا گیا، خطے میں تکثیریت کا دم گھٹنے لگا۔ جب کشمیر میں سینما گھروں کو زبردستی بند کیا گیا تو فلم بینوں کو اپنی جان کا خوف آنے لگا۔
 آرٹیکل 370،-35اے کو ہٹانے کے بعد 2021کی نئی فلم پالیسی کے ساتھ وادی میں وہی کشش واپس آگئی ہے۔ اس میں فلمسازوں کو بہت سی سہولات اور سبسڈی کے ساتھ ساتھ شوٹنگ کے  لئے  مناسب سکیورٹی بھی مفت دی جا رہی ہے۔

بلبیر پنج