نئی دہلی :دہلی تشدد کے معاملے میں ملزم اور عام آدمی پارٹی(آپ)کے برخاست کئے گئے کونسلر طاہر حسین فی الحال پولیس گرفت میں ہے۔ وہیں، عام آدمی پارٹی کے اوکھلا سے رکن اسمبلی امانت اللہ  خان  نے طاہر کی گرفتاری کو کو لے کر سوال اٹھایا ہے اور معاملے کو مذہبی رنگ دینے کی کوشش کی ہے۔

طاہر کی گرفتاری پر امانت اللہ خان نے ٹویٹ کر کہا کہ ' آج طاہر حسین صرف اس بات کی سزا کاٹ رہا ہے کہ وہ ایک مسلمان ہے،شاید آج ہندوستان میں سب سے بڑا گناہ مسلم ہونا ہے۔یہ بھی ہو سکتا ہے کہ آنے والے وقت میں یہ ثابت کر دیا جائے کہ دہلی کے تشدد طاہر حسین نے کرا یا تھا ۔

https://twitter.com/KhanAmanatullah/status/1236218300478017536?ref_src=twsrc%5Etfw%7Ctwcamp%5Etweetembed%7Ctwterm%5E1236218300478017536&ref_url=https%3A%2F%2Fhindi.news18.com%2Fnews%2Fdelhi-ncr%2Ftahir-hussain-is-being-punished-simply-because-he-is-muslim-says-aap-mla-amanatullah-khan-nodvkj-2921611.html
طاہر حسین کی لائسنسی پسٹل اور بہت کارتوس ضبط کئے گئے ہیں۔ پستول کو فورینسک جانچ کے لئے بھیج دی گئی ہے۔ جس سے پتہ چل سکے کہ اس پستول سے فائر ہوا تھا یا نہیں، وہیں، موبائل بھی برآمد کیا گیا ہے۔
بتا دیں کہ آئی بی آفیسر قیمت شرما کے قتل کے ملزم معطل آپ کونسلر طاہر حسین کو لے کر دہلی پولیس کی ٹیم جمعہ کی دیر شام کڑکڑڈوما کورٹ پہنچی  ۔سماعت کے بعد عدالت نے اس کے سات دنوں کے پولیس ریمانڈ پر بھیج دیا ہے۔

اس سے پہلے طاہر حسین جمعرات کو کورٹ میں سرینڈر کرنے کے لئے پہنچا تھا، جہاں پر دہلی پولیس کی ٹیم نے اسے گرفتار کر لیا تھا۔طاہر نے اس سے پہلے عدالت میں پیشگی ضمانت کی عرضی بھی داخل کی تھی، جسے مسترد کر دیا گیا تھا۔
 غور طلب ہے کہ شمال مشرقی دہلی میں ہوئے تشدد کے سلسلے میں دہلی پولیس نے جمعہ 683 ایف آئی آر درج کی ہے اور 1983 لوگوں کی  دھر پکڑ  کی ہے۔وہیں، آرمس ایکٹ کے تحت 48 کیس درج کئے گئے ہیں۔