انٹرنیشنل ڈیسک: جنوبی کوریا میں لاکھوں افراد اپنے نئے صدر کے انتخاب کے لیے منگل کو ووٹ کا حق استعمال کر رہے ہیں۔ملک میں قدامت پسند یون سک یول کو برخاست کرنے کے بعد صدر عہدے کے لئے وسط مدتی انتخابات ہو رہے ہیں۔ انہوں نے دسمبر میں مختصر عرصے کے لیے مارشل لا لگا دیا تھا جس کے بعد انہیں مقدمے کا سامنا کرنا پڑا تھا ۔ انتخابات سے قبل اشارہ ملا کہ یون کے لبرل حریف، ڈیموکریٹک پارٹی کے رہنما لی جے میونگ آسان جیت کی طرف گامزن ہیں ، کیونکہ یون کے مارشل لا کے نفاذ کے بعد قدامت پسندوں کے تئیں عوام میںگہری مایوسی ہے۔ 
مرکزی دھارے کی قدامت پسند امیدوار کم مون سو اعتدال پسند اور رجحان کی پیروی کرنے والے ووٹروں کو جیتنے کے لیے جدوجہد کر رہی ہیں۔ ان کی پیپلز پاور پارٹی اندرونی کشمکش میں الجھی ہوئی ہے کہ یون کے اقدامات کو کیسے دیکھا جائے۔ پچھلے چھ مہینوں کے دوران، بڑی تعداد میں لوگ یون کی مذمت یا حمایت کے لیے سڑکوں پر نکل آئے ہیں، جب کہ ان کے مواخذے اور اس کے بعد ان کی  باضابطہ معزولی سے پیدا ہونے والی قیادت کے خلا نے ملک کی اعلی سفارتی سرگرمیوں اور مالیاتی منڈیوں کو ہلا کر رکھ دیا ہے۔
ڈیموکریٹک پارٹی کے Lee Jae-myung نے وعدہ کیا کہ وہ اقتدار میں آنے کی صورت میں قومی اتحاد کے لیے کام کریں گے۔ چار دیگر رہنما بھی میدان میں ہیں۔ لی نے 2022 کے صدارتی انتخابات میں یون سے قریبی مقابلے میں شکست کھائی اور یون کے مارشل لا کے فیصلے کو الٹانے اور ان کے مواخذے میں کلیدی کردار ادا کیا۔ نومنتخب صدر بدھ کو حلف اٹھائیں گے۔