پشاور : پاکستان میں گورو نانک دیو کی 550 ویں جینتی سے پہلے سکھ طبقہ کا غصہ ساتویں آسمان پر پہنچا گیا ہے ۔ اس کی وجہ گوردوارے کے گرنتھی کی بیٹی کا اغوا کر اس کا جبراً مذہب تبدیل کر نکاح کرانا ہے ۔  یہ واردات پاکستان کے ننکانہ صاحب میں ہوئی ہے ، جہاں گورو نانک دیو کی پیدائش ہوئی تھی ۔ نانک جینتی سے کچھ روز قبل ہی ہوئی اس واردات سے پاکستان کا سکھ اور اقلیتی طبقہ خود کو سے ڈرا ہوا محسوس کررہا ہے ۔ 

ایک خاتون سمیت 6 کے خلاف کیس درج:
ننکانہ صاحب پولیس تھانے میں درج ایف آئی آر کے مطابق 28 اگست کو گوردوارہ تمبو صاحب میں گرنتھی کے طور پر اپنی خدمات دینے والے ایک شخص کی بیٹی کو جبراً اسلام میں داخل کیا گیا اور پھر اس کی شادی محمد احسان نام کے شخص سے کرادی گئی ۔ لڑکی کے بڑے بھائی کی شکایت پر یہ ایف آئی آر درج کی گئی ہے ۔ مذہب تبدیلی اور جبراً شادی کے الزامار  میں ایک خاتون سمیت  6 لوگوں پر کیس درج کیا گیا ہے ۔ ان سبھی لوگوں پر اغوا ، بندی بنانے اور جبراً شادی کرانے کے الزام میں کیس درج کیا گیا ہے ۔ لڑکی کے چھوٹے بھائی نے  بتایا کہ ننکانہ صاحب سے احسان اور دیگر لوگوں نے 27 اگست کی رات کو اس کی بہن کا اغوا کرلیا تھا ۔ بتا دیں کہ لڑکی کی ایک سکھ لڑکے کے ساتھ سگائی بھی ہو چکی ہے ۔ 
رات 2 بجے کیا گیا اغوا:
لڑکی کے بھائی نے بتایا کہ وہ ہماری بڑی بہن کے گھر پر گئی تھی ۔ جس کے شوہر کاروبارکے سلسلے میں فیصل آباد  گئے ہوئے تھے ۔ اسی دوران رات کے قریب 2 بجے ہتھیار لیس لوگوں نے گھر پر حملہ بول دیا اور سبھی کو مارنے کی دھمکی دیتے ہوئے ایک کمرے میں بند کردیا ۔ اس کے بعد بندوق کی نوک پر وہ لوگ بہن کو اغوا کر کے لے گئے ۔ 

وائرل ویڈیو میں دکھی لڑکی کی حقیقت :
یہی نہیں متاثرہ کے بھائی کے مطابق پولیس نے بھی ان کی شکایت کو نظر انداز کرنے کی کوشش کی تھی ۔ اس نے دعویٰ کیا کہ ہمارے پریوار کو یہ بھی کہا گیا کہ ہم گورو نانک کی 550 ویں جینتی کی تقریب کو دھیان میں رکھتے ہوئے اس مدعے کو نہ اٹھائیں ۔ متاثرہ کے مبینہ نکاح کا ایک ویڈیو بھی پاکستان میں وائرل ہورہا ہے ۔ جس میں وہ بہت ڈری ہوئی نظر آرہی ہے ۔ بتا دیں کہ اس سے پہلے پاکستان کے سندھ اور خیبر پختونخواہ صوبوں میں بھی ہندو اور سکھ لڑکیوں کا اغوا اور جبراً شادی کی کئی وارداتیں سامنے آئی ہیں ۔