نیشنل ڈیسک:   پہلگام حملے اور ہندوستان میں سیما حیدر کی حیثیت کے تنازعات کے درمیان سیما حیدر کو پاکستان بھیجنے کا مطالبہ زور پکڑ گیا ہے۔ تاہم سیما حیدر نے اس معاملے پر خاموشی اختیار کر رکھی ہے اور انہوں نے گزشتہ دو ہفتوں سے اپنے یوٹیوب چینل پر کوئی ویڈیو پوسٹ نہیں کی۔ ادھر سیما کی بہن ریما حیدر کی ایک ویڈیو منظر سامنے  آئی ہے جس میں وہ سیما سے پاکستان واپس آنے کی اپیل کرتی نظر آرہی ہیں۔

ریما حیدر کی روتی ہوئی ویڈیو
یہ ویڈیو سیما حیدر کے سابق پاکستانی شوہر غلام حیدر نے اپنے یوٹیوب چینل پر شیئر کی ہے اور انہوں نے دعوی کیا ہے کہ وہ سیما کی بہن ہیں۔ ویڈیو میں ریما حیدر روتے ہوئے اپنی بہن سیما سے پاکستان واپس آنے کی درخواست کر رہی ہیں۔ ریما کا کہنا ہے کہ ہندوستان اور پاکستان کے درمیان موجودہ حالات اچھے نہیں ہیں۔ اس لیے سیما کو اپنے بچوں کے ساتھ پاکستان واپس آنا چاہیے۔

https://youtu.be/XqwS9W2lFa8
ریما کا کہنا ہے کہ سیما نے کبھی نہ کبھی اپنے گھر والوں سے پیا رکیا ہوگا  اور اب حالات بہت خراب ہوچکے ہیں۔ وہ ویڈیو میں کہتی ہیں،جب انڈیا تمہیںبھیجنے کی تیاری کر رہا ہے تو آپ واپس کیوں نہیں آ رہی ہو؟ تمہارے  بچے وہاں محفوظ نہیں ہیں، تمہیںواپس آنا چاہئے ، آپ کو کوئی کچھ نہیں کہے گا۔ تم  غلام حیدر کی بیوی ہو، وہ آپ کو معاف کر دے گا۔
وزیر اعظم مودی سے خاتون کی اپیل
ویڈیو میں ریما حیدر وزیر اعظم مودی اور اتر پردیش کے وزیر اعلی یوگی آدتیہ ناتھ سے بھی مدد کی اپیل کر رہی ہیں۔ وہ کہتی ہیں، ہم چاہتے ہیں کہ مودی جی اور یوگی جی ہماری مدد کریں۔ اگرویزا خارج کرنے پر کسی واپس بھیجا جاسکتا ہے تو سیما کو کیوں نہیں بھیجا جاسکتا؟ وہ چار بچوں کو بغیر قانونی دستاویزات کے ہندوستان لائی ہے۔ وہ طلاق یافتہ نہیں ہے اور جھوٹ بول رہی ہے۔ ہمیں آپ کی مدد کی ضرورت ہے، ہم بے بس ہیں۔

سیما کی واپسی پر تنازع
سیما حیدر کی ہندوستان میں موجودگی کو لے کر کئی تنازعات سامنے آئے ہیں، خاص طور پر جب وہ پاکستان سے آئیں اور اپنے چار بچوں کے ساتھ ہندوستان میں رہنے لگیں۔ سیما حیدر نے اس معاملے پر کوئی واضح بیان نہیں دیا ہے جب کہ ان کی پاکستان واپسی کا مطالبہ مسلسل بڑھ رہا ہے۔