لاہور: پاکستان کے صوبہ پنجاب میں موسلا دھار بارشوں کے باعث دریاوں میں پانی کی سطح میں اضافے اور اگلے 48 گھنٹوں تک جاری رہنے کے پیش نظر گزشتہ 24 گھنٹوں کے دوران سیلاب سے متاثرہ اضلاع سے تقریباً 20 ہزار افراد کو محفوظ مقامات پر منتقل کیا گیا ہے۔ حکام نے اتوار کو یہ اطلاع دی۔ پنجاب ایمرجنسی ریسکیو سروس 1122 کے ترجمان فاروق احمد نے ایک بیان میں کہاقصور، اوکاڑہ، پاکپتن، بہاولنگر اور وہاڑی کے کئی دیہات زیر آب آنے کی وجہ سے لوگوں کو نکال کر محفوظ مقامات پر منتقل کر دیا گیا ہے۔ انہوں نے کہا کہ جن علاقوں سے ہفتے کے روز سے تقریباً 20 ہزار افراد کو نکالا گیا ہے وہ دریائے سندھ، چناب، راوی، ستلج اور جہلم کے قریب ہیں۔

احمد نے کہا،دریائے ستلج اور راوی کے کناروں پر رہنے والی آبادی کو محفوظ مقامات پر منتقل کرنے کا کام مکمل کر لیا گیا ہے۔پراونشل ڈیزاسٹر مینجمنٹ اتھارٹی (پی ڈی ایم اے) نے کہا کہ مانسون کے 27 اگست تک فعال رہنے کی پیش گوئی کے پیش نظر کئی اضلاع میں ہنگامی کارروائیاں کی جا رہی ہیں۔ پی ڈی ایم اے کے مطابق گنڈا سنگھ والا میں دریائے ستلج خطرے کے نشان سے اوپر پہنچ گیا ہے۔ اس نے انتباہ کیا، گنڈا سنگھ والا میں صورتحال سنگین ہے اور اگلے 48 گھنٹوں تک اسی طرح رہنے کا امکان ہے۔