انٹرنیشنل ڈیسک: پاکستان کے میزائل سکیورٹی سسٹم پر ایک بار پھر بڑا سوال کھڑا ہوگیا ہے۔ اس بار اس کی سب سے اہم بیلسٹک میزائل شاہین 3 ٹیسٹ کے دوران ہوا میں پھٹ گئی یا لانچ ہوتے ہی گر گئی۔ حادثہ اتنا بڑا تھا کہ دھماکے کی آواز 50 کلومیٹر دور تک سنی گئی۔ پاکستان نے ڈیرہ غازی خان کے قریب شاہین تھری میزائل کا تجربہ کیا۔ یہ علاقہ پاکستان کے میزائل اور ایٹمی پروگرام کا ایک اہم مرکز ہے۔ جیسے ہی میزائل داغی گئی ، چند ہی سیکنڈ میں زور دار دھماکہ ہوا۔ عینی شاہدین کے مطابق میزائل یا تو ہوا میں پھٹ گئی زمین پر گر گئی۔ ملبہ قریبی رہائشی علاقوں میں بکھر گیا۔

https://x.com/dailyupdates04/status/1947945649556603125
دھماکے کی آواز بلوچستان اور خیبرپختونخوا تک سنی گئی۔ خوف و ہراس پھیل گیا۔ پاکستانی فوج نے فوری طور پر علاقے میں انٹرنیٹ بلاک کر دیا اور لوگوں کو گھروں کے اندر رہنے کو کہا۔ لیکن تصاویر اور ویڈیوز سوشل میڈیا پر لیک ہو گئیں۔ بہت سے لوگ دعوی کر رہے ہیں کہ میزائل جوہری مقام کے بہت قریب گرا۔ ڈیرہ غازی خان پاکستان کا سب سے بڑا یورینیم پروسیسنگ سینٹر ہے۔ یہاں روزانہ ہزاروں پاؤنڈ یورینیم پراسیس کیا جاتا ہے۔ اگر شاہین تھری میزائل براہ راست اس جگہ پر گرتی تو کتنا نقصان ہوتا، ا سکا اندازہ لگانا مشکل ہے ۔ بلوچ کارکنوں نے واقعے پر حکومت کو تنقید کا نشانہ بنایا ہے۔ ان کا الزام ہے کہ بلوچ عوام کی زندگیوں سے کھلواڑ ہو رہا ہے ۔