وینکوور: پنجابیوں کی کثیر آبادی والے شہر سری میں جمعہ کی شام ایک پیدل جا رہی نوجوان عورت کو گاڑی نے ٹکر مار دی ، جس کے بعد عورت کی موت ہو گئی ۔ یہ ایک ہفتے کے اندر سری میں ہونے والا تیسرا واقعہ تھا۔پولیس کے مطابق یہ حادثہ سیڈر ہلز علاقے میں پیش آیا، جہاں تقریباً 22 سالہ عورت کو گاڑی نے ٹکر مار دی۔ یہ واقعہ رات 9:30 بجے کے قریب 128 اسٹریٹ اور 96 ایونیو کے نزدیک ہوا۔ حادثے کے فوراً بعد متاثرہ کو شدید حالت میں ہسپتال لے جایا گیا لیکن ڈاکٹروں نے اسے مردہ قرار دیا۔
پولیس نے گاڑی کے ڈرائیور کو موقع سے حراست میں لے لیا ہے اور تفتیش کی جا رہی ہے۔ پولیس کی طرف سے سڑک کے حفاظتی قوانین کی پابندی کرنے اور احتیاط کے ساتھ گاڑی چلانے کی اپیل کی گئی ہے۔