انٹرنیشنل ڈیسک: پہلگام حملے کا منہ توڑ جواب دیتے ہوئے، ہندوستانی فوج نے منگل کی رات دیر گئے پاکستان اور پاکستان کے زیر قبضہ کشمیر (پی او کے)میں دہشت گردوں کے ٹھکانوں پر زبردست فضائی حملہ کیا۔ اس مشترکہ فوجی کارروائی کو 'آپریشن سندور' کا نام دیا گیا، جس نے نہ صرف دہشت گردوں کے انفراسٹرکچر کو نقصان پہنچایا بلکہ پاکستانی عوام کو ذہنی طور پر ہلا کر رکھ دیا۔ اس آپریشن کے تحت ہندوستانی فضائیہ، فوج اور بحریہ نے مل کر پاکستان کے اندر 4 دہشت گرد کیمپوں اور پی او کے میں 5 دہشت گرد کیمپوں کو نشانہ بنایا۔
 یہ حملہ رات  1:30 بجے کے قریب کیا گیا، جب زیادہ تر اہداف گہری نیند میں تھے۔ بتایا گیا ہے کہ یہ آپریشن ان ہندوستانی  شہداء  کی بیواؤں کے لیے وقف تھا جن کے شوہر 22 اپریل کو جموں و کشمیر کے پہلگام میں خودکش حملے میں شہید ہوئے تھے۔ ہندوستان  کے اس زبردست جواب کے بعد پاکستانی عوام میں گھبراہٹ ہے۔ جہاں ایک طرف سوشل میڈیا پر فضائی حملے کی خبریں ٹرینڈ کر رہی ہیں وہیں دوسری جانب پاکستان میں گوگل سرچز میں اچانک اضافہ ہوا ہے۔ گوگل ٹرینڈز پاکستان کے اعداد و شمار کے مطابق گزشتہ 24 گھنٹوں میں درج ذیل کی ورڈز کو سب سے زیادہ سرچ کیا گیا۔

• Operation Sindoor kya hai
• Sindoor ka matlab kya hota hai
• India Attack on Pakistan
• Indian Army Strike
• Bahawalpur Airstrike
• Pakistan vs India Army Comparison
• Powerful army in the world

سب سے دلچسپ بات یہ ہے کہ لفظ 'سندور' نے پاکستانی صارفین کو سب سے زیادہ الجھن میں ڈالا۔ بہت سے لوگ یہ نہیں سمجھ سکے کہ ہندوستان نے اپنے فوجی آپریشن کا نام ثقافتی علامت "سندور" کے نام پر کیوں رکھا۔ ایسے میں وہ گوگل پرمسلسل  "سندور کا مطلب"، "ہندو کلچر میں سندور" اور "سندور کیا ہے" جیسے سوالات کو تلاش کر رہے ہیں۔
لفظ 'سندور' سے جذباتی پیغام
ہندوستانی ثقافت میں 'سندور' کو شادی شدہ خواتین کی پہچان سمجھا جاتا ہے۔ جب کوئی سپاہی شہید ہوتا ہے تو اس کی بیوی کا سندور اجڑ جاتا ہے۔ اس درد اور احترام کو آواز دیتے ہوئے ہندوستان  نے اس آپریشن کا نام سندور رکھا۔ یہ صرف ایک فوجی کارروائی نہیں تھی بلکہ ان شہدا ء کو خراج عقیدت بھی تھا جن کی بیویاں اب بیوہ ہو چکی تھیں۔
پاکستانی میڈیا اور عوام میں ہلچل 
فضائی حملے کے بعد پاکستان کے سوشل میڈیا پلیٹ فارمز پر ایک بحث شروع ہو گئی ہے۔ وہاں کے شہری یہ جاننے کی کوشش کر رہے ہیں کہ ہندوستان نے حملہ کیوں کیا، کس جگہ کو نشانہ بنایا اور پاک فوج کیوں خاموش ہے۔ اس کشیدہ ماحول میں پاکستانی میڈیا کی خبریں بھی کنفیوژن سے بھری پڑی ہیں۔ جہاں کچھ چینلز ہندوستان  پر "بلا اشتعال جارحیت" کا الزام لگا رہے ہیں، وہیں کچھ کہہ رہے ہیں کہ پاکستان "بس جوابی کارروائی کے لمحے کا انتظار کر رہا ہے۔"
آپریشن سندور: صرف حملہ نہیں بلکہ حکمت عملی بھی
یہ واضح ہے کہ 'آپریشن سندور' صرف ایک فوجی کارروائی نہیں تھی بلکہ یہ ایک اسٹریٹجک نفسیاتی حملہ بھی تھا، جس نے پاکستان کے عوام اور حکومت دونوں کو ہلا کر رکھ دیا ہے۔ گوگل ٹرینڈز اور سوشل میڈیا سرچ سے پتہ چلتا ہے کہ ہندوستان نے اپنی فوجی طاقت کے ساتھ ساتھ ثقافتی علامتوں کے ذریعے پاکستانی شہریوں پر مؤثر طریقے سے دبا ؤڈالا ہے۔