انٹرنیشنل ڈیسک: نیپال پریمیئر لیگ (این پی ایل)کے دوران آن لائن سٹے میں شامل ہونے کے الزام میں نیپال میں نو ہندوستانیوں سمیت 10 افراد کو گرفتار کیا گیا ہے۔ یہ لیگ کھٹمنڈو کے تری بھون یونیورسٹی اسٹیڈیم میں منعقد کی جا رہی ہے۔ پولیس نے انہیں کھٹمنڈو میں دو مختلف مقامات پر کارروائی کے دوران گرفتار کیا۔
پولیس کی جانب سے ہفتہ کو کی گئی ایک کارروائی میں آٹھ ہندوستانی افراد کو گرفتار کیا گیا اور ان کے پاس سے پندرہ موبائل فون بھی ضبط کیے گئے۔ پولیس نے پیر کو بتایا کہ جمعہ کو ایک مختلف مقام پر کارروائی کے دوران ایک نیپالی اور ایک ہندوستانی سمیت دو افراد کو پولیس نے گرفتار کیا۔ 
پولیس کے مطابق وہ این پی ایل کرکٹ ٹورنامنٹ کے سلسلے میں ناجائز سٹے میں شامل ہیں۔ اس ٹورنامنٹ کا انعقاد کھٹمنڈو میں 17 نومبر سے 13 دسمبر تک کیا جا رہا ہے۔