انٹرنیشنل ڈیسک: جاپان کے مغربی حصے میں منگل کی صبح ایک شدید زلزلے نے لوگوں میں خوف و ہراس پھیلا دیا۔ جاپان موسمیاتی ایجنسی کے مطابق شیمانے صوبے میں صبح 10 بج کر 18 منٹ پر مقامی وقت کے مطابق آنے والے اس زلزلے کی شدت 6.4 ناپی گئی، جبکہ اس کا مرکز زمین کی سطح سے تقریبا 10 کلو میٹر کی گہرائی میں تھا۔ زلزلے کا اثر شیمانے اور پڑوسی توتوری صوبے میں سب سے زیادہ دیکھا گیا، جہاں جاپان کے 7 سطحی زلزلہ پیمانے پر اس کی شدت بالائی سطح 5 تک ریکارڈ کی گئی۔ زلزلے کا مرکز 35.3 درجے شمالی عرضِ بلد اور 133.2 درجے مشرقی طولِ بلد پر واقع تھا۔

An earthquake with a preliminary magnitude of 6.2 hit the western Chugoku region of Japan, followed by a series of sizeable aftershocks, the Japan Meteorological Agency said https://t.co/Rf94Uvpd7q pic.twitter.com/mc1FdCDwBC

— Reuters (@Reuters) January 6, 2026

مرکزی جھٹکے کے بعد دو طاقتور آفٹر شاک بھی محسوس کیے گئے۔ پہلا آفٹر شاک 10 بج کر 28  منٹ پر 5.1 شدت کے ساتھ اور دوسرا 10 بج کر 37 منٹ پر 5.4 شدت کے ساتھ ریکارڈ کیا گیا۔ مسلسل جھٹکوں کی وجہ سے لوگوں میں خوف کی فضا بنی رہی۔ ماتسوئے شہر (شیمانے صوبہ )میں گرنے اور دیگر حادثات کے باعث چار افراد کو ہسپتال میں داخل کرایا گیا ہے۔ مقامی انتظامیہ کے مطابق کئی گھروں کی چھتوں کو نقصان پہنچا ہے۔

Yaponiyada 16 dəqiqə ərzində dörd zəlzələ baş verdi pic.twitter.com/uDk5DHV7Lo

— Ictimai TV (@TvIctimai) January 6, 2026

پڑوسی توتوری صوبے کے ساکائی میناتو شہر میں سڑکوں میں دراڑیں پڑنے کی خبریں سامنے آئی ہیں۔ وہیں زلزلے کے مرکز کے جنوب میں واقع ہیروشیما صوبے کے فوکویاما شہر میں بھی دو افراد زخمی ہوئے ہیں۔ جاپان موسمیاتی ایجنسی نے بتایا کہ مغربی توتوری میں لانگ پیریڈ گرانڈ موشن زیادہ سے زیادہ سطح 4 تک ریکارڈ کیا گیا۔ اس قسم کی سست مگر طویل مدت تک جاری رہنے والی زلزلی لہریں بلند عمارتوں کو ہلانے کی صلاحیت رکھتی ہیں، جس سے بالائی منزلوں پر رہنے والے لوگوں کو خاص خطرہ ہوتا ہے۔ انتظامیہ نے لوگوں سے محتاط رہنے اور آفٹر شاکس کے خدشے کو دیکھتے ہوئے حفاظتی ہدایات جاری کیں۔