نیشنل ڈیسک: دستاویزی فلم 'کالی' کے پوسٹر پر دیوی کو سگریٹ نوشی کرتے  اور LGBTQ جھنڈا تھامے دکھائے جانے کو لے کر تنازعہ کھڑا ہو گیا ہے۔ ٹی ایم سی ایم پی مہوا موئترا نے اب دستاویزی فلم 'کالی' کے پوسٹر پر اپنا ردعمل دیا ہے۔ مہوا موئترا نے دستاویزی فلم 'کالی' کے پوسٹر کا دفاع کرتے ہوئے کہا کہ مجھے اس میں کچھ بھی  قابل اعتراض نہیں  لگا۔ موئترا نے کہا کہ کالی کی کئی  روپ ہیں۔ میرے  لئے کالی کا مطلب گوشت ،  اور شراب کو قبول کرنے والی  دیوی ہے۔
موئترا نے کہا کہ مجھے اس سے کوئی پریشانی نہیں ہے۔ ٹی ایم سی ایم پی نے مزید کہا کہ آپ اپنے بھگوان کو کیسے دیکھتے ہیں، اگر آپ بھوٹان اور سکم جاتے ہیں تو  وہاںصبح کی پوجا میں بھگوان کو  وہسکی چڑہائی جاتی ہے، لیکن اگر آپ یہ اتر پردیش میں کسی کو دیتے ہیں تو اس کے جذبات کو ٹھیس پہنچ سکتی ہے۔  موئترا نے کہا کہ میرے لیے دیوی کالی گوشت خور اور شراب پینے والے کے روپ میں ہے۔ دیوی کالی کے کئی روپ ہیں
 بھگوان کو اپنےحساب سے پوجنے کی آزادی
 موئترا نے کہا کہ اگر آپ تارا پیٹھ جائیں تو وہاں کالی کے مندر کے قریب سادھو تمباکو نوشی کرتے  ملیںگے اور لوگ ایسی کالی کی پوجا بھی کرتے ہیں۔ ہندو ہونے کے باوجود مجھے اپنی کالی کو اپنے مطابق دیکھنے کی آزادی ہے اور لوگوں کو بھی ہونی چاہئیے ۔ رکن پارلیمنٹ نے کہا کہ اپنی مرضی کے مطابق خدا کی عبادت کرنے کی آزادی ہونی چاہئے۔آپ کو بتا  دیں کہ LGBT کمیونٹی کے ایک ہاتھ میں قومی پرچم تھامے ماں کالی کے روپ میں سگریٹ پیتے ہوئے ویڈیو سامنے آنے کے بعد اس کی شدید مخالفت کی جا رہی ہے۔ یہ دستاویزی فلم فلمساز لینا منیمیکالائی کی ہے۔ لوگ لینا منیمیکلائی پر تنقید کر رہے ہیں۔ لینا منیمیکلائی کے خلاف کئی مقامات پر ایف آئی آر بھی درج کی گئی ہیں اور انہیں گرفتار کرنے کا مطالبہ کیا گیا ہے۔