نئی دہلی :ہندوستان میں ایران کے سفیر علی چیگینی نے بدھ کو کہا کہ وہ امریکہ کے ساتھ اپنے ملک کے کشیدگی کو کم کرنے کی سمت میں ہندوستان کی طرف سے اٹھائے گئے کسی بھی اقدام کا خیر مقدم کریں گے۔واضح رہے کہ گزشتہ ہفتے جمعہ کو عراق کے دارالحکومت بغداد میں امریکی ڈرون حملے میں ایران کے اعلیٰ کمانڈرقاسم سلیمانی کے مارے جانے کے بعد دونوں ممالک کے درمیان کشیدگی عروج پر ہے۔ ایران کی طرف سے عراق میں امریکی فوجی اڈے پر میزائل حملے کئے جانے کے چند گھنٹے بعد چیگینی نے یہ بیان دیا ہے۔
ایران کے سفارت خانے میں سلیمانی کو خراج تحسین پیش کرنے کے لئے منعقد اجتماع کے بعد چیگینی نامہ نگاروں کو بتایا، '' دنیا میں امن برقرار رکھنے میں عام طور پر ہندوستان بہت اچھا کردار ادا کرتا ہے۔ ساتھ ہی ہندوستان اسی علاقے میں ہے۔ہم تمام ممالک، خاص طور سے اپنے دوست ہندوستان کی جانب سے ایسے کسی بھی اقدام کا خیر مقدم کریں گے جو کشیدگی کو بڑھنے نہ دے''۔
انہوں نے کہا، '' ہم جنگ نہیں چاہتے ہیں، ہم علاقے میں تمام لوگوں کے لئے امن اور خوشحالی چاہتے ہیں۔ہم ہندوستان کے کسی بھی قدم اور منصوبے کا خیر مقدم کرتے ہیں جو دنیا میں امن اور خوشحالی لانے میں مددگار ثابت ہو۔